جازدا جاعاجايعا اسىعامىز. الايدا كۇنگە كۇيۋدىڭ دە وزندىك مادەنيەتى قالىپتاسقان. بەتكە ءاجىم مەن قارا داق تۇسىرمەي، فوتودەرماتيتكە شالدىقپاي، كۇننىڭ قاتتى ءوتىپ كەتۋىنەن قورعانعان دۇرىس. «قامشى» پورتالىنىڭ ماماندار تاراپىنان ءۇسىنعان كەڭەسىنە دەن قويىڭىزدار

تەرىنىڭ كۇنگە توتىعۋى تەگىس ءارى ادەمى بولۋى ءۇشىن دايىندىق جۇمىستارى جۇرگىزىلۋى ءتيىس. مايلى تەرىلەردىڭ كۇنگە كۇيۋى ادەمى كورىنەدى. ال قۇرعاق تەرىلەرگە كۇنگە توتىعۋ بارىسىندا ءاجىم ءتۇسىپ، تەرىنىڭ قۇرعاۋى ودان سايىن ۇلعايا تۇسەدى. سوندىقتان، قۇرعاق بەتتەرگە بيوريەۆيتاليزاسيا، مەزوتەراپيا جانە كوسمەتيكالىق پروسەدۋرالار جۇرگىزىلگەنى ءجون. ايتالىق، دەنە تەرىسىنە جاعاجايعا بارعانعا دەيىن پيلينگ جاساعان دۇرىس. سوندا تەرى كۇنگە تەگىس ءارى قالىپتى بولىپ كۇيەدى. كۇنگە تەگىس ءارى ءبىر قالىپتى بولىپ كۇيەدى. كۇنگە كۇيگەندە كەلەڭسىز اسەرلەردىڭ ورىن الۋى دا مۇمكىن. كەلەڭسىزدىكتەردەن ساقتانۋ ءۇشىن مىنانداي جاعدايلاردى ەسكەرگەن ءجون:

*Spf كرەمدەر قولدانۋ كەرەك

*كۇننىڭ استىندا 20 مينۋت قانا ۋاقىت وتكىزگەن ءجون

*قاجەت مولشەردەگى سۇيىقتىقتى قابىلداۋ

*تۇسكە دەيىنگى جانە تۇستەن كەيىنگى ۋاقىتتا عانا كۇنگە كۇيگەن دۇرىس

كوپشىلىگىمىز spf كرەمدەردى كۇنگە كۇيدىرمەيدى دەپ ويلايمىز. انىعىندا ول كۇننىڭ ۋلترا-كۇلگىن ساۋلەلەرىنەن قورعايدى. بۇل ساۋلەلەردەن قورعانباساق، تەرى جاسۋشالارى ءولىپ، تەرى قارتايادى جانە بەتكە داقتار قاپتايدى.

قورعانىس

كەز كەلگەن كرەمنىڭ سىرتىنداعى ءنومىر قورعانىس جۇيەسىنىڭ مولشەرىنەن حابار بەرەدى. SPF (Sun Protection Factor) كرەمنىڭ سىرتىندا 2 دەن 50 دەيىنگى ءنومىر كورسەتىلەدى. ساننىڭ كورسەتىلىمىنە بايلانىستى قورعانىس جۇيەسى دە ارتا تۇسەدى. ەگەر قۇتى سىرتىندا SPF 10 دەگەن جازۋ بولسا 150 مينۋت بويى قورعانىستا بولا الاسىز دەگەن ءسوز. دەمەك، كرەم سىرتىنداعى كورسەتىلگەن سانعا 15 مينۋتتى كوبەيتۋ ارقىلى spfء-تىڭ ساۋلەلەردەن قورعاي الۋ مۇمكىندىگىن بىلۋگە بولادى. الايدا، عالىمدار قىمبات كرەمدەر دە كۇننىڭ ۋلتراكۇلگىن ساۋلەلەرىنەن ءجۇز پايىزعا قورعاي المايدى دەپ ەسەپتەيدى. سونىڭ وزىندە ءبىز مۇمكىندىگىمىز جەتكەنىنشە زياندى ساۋلەلەردەن ساقتانۋعا جانە مەيلىنشە قورعانۋعا ءتيىسپىز. ول ءۇشىن تەرىڭىزدىڭ ەرەكشەلىكتەرىن ەسكەرە وتىرىپ، ءوزىڭىزدىڭ تەرى تيپىڭىزگە قاراي بەتكە جانە دەنەگە ارنالعان ساپالى ونىمنەن تاڭداۋ جاساۋىڭىز قاجەت.

*SPF 10-20 ەڭ ءالسىز قورعاۋشى بولىپ ەسەپتەلەدى. كرەم قۇرامى مايلى بولعاندىقتان بۇل نومىرىندەگى SPF كۇنگە كۇيىپ ۇلگەرگەن تەرىلەر مەن قارا تورىلارعا سايكەس كەلەدى .

*SPF 20 مەن 30 كۇنگە تەز كۇيەتىن، كۇن ساۋلەسىنىڭ تىكەلەي تۇسۋىنە ونشا اسەر بەرمەيتىن تەرىلەرگە ارنالعان.

*SPF 30 بەن 40 اراسىنداعى SPF اققۇبا ءارى وتە سەزىمتال تەرىلەرگە ارنالعان.

*SPF 40 پەن 50 ءنومىرى كورسەتىلگەن SPF بالالار مەن كۇنگە كۇيۋدى مۇلدەم قاجەت ەتپەيتىن تەرىلەرگە نەگىزدەلگەن.

قورعانىس قانشالىقتى بەكەم؟

كۇننەن قورعاناتىن كرەمدى قالاي قولدانۋ كەرەكتىگىن بىلگەن دۇرىس. ەگەر وتە ىستىق ەلگە بارا قالساڭىز كۇن ساۋلەسىنە قارسى قورعانىستى مىقتاپ قولعا العان ءجون. مۇنداي جاعدايعا 30 بەن 50 ارالىعىنداعى SPF سايكەس كەلەدى. الايدا، بۇل كەڭەس تىتىركەنبەيتىن، اققۇبا، قالىپتى تەرىلەرگە ارنالعان. ەسىڭىزدە بولسىن كۇنگە توتىعۋ مەن ساۋلەدەن قورعانىس جۇيەسى بىردەن ناتيجە بەرمەيدى. سوندىقتان كرەمدى اشىق كۇنگە شىعاردان جارتى ساعات بۇرىن جاققان دۇرىس. قورعانىسىڭىز مىقتى بولعان سايىن كۇنگە توتىعۋدىڭ ءتۇسى ادەمى بولادى دەپ قاتەلەسپەڭىز. قورعانىس تەك قانا زياندى ساۋلەلەرگە باعىتتالعان. كرەم جاققان جاعدايدا كۇنگە بىردەن كۇيىپ كەتپەيسىز، ءارى توتىققان تەرىنىڭ ادەمى قالپى ۇزاققا ساقتالادى.

جاعاجايداعى شومىلۋ

كۇننەن قورعانۋعا ارنالعان سۋعا شىدامدى كرەمدەر ارنايى جاعاجاي ءۇشىن ويلاپ تابىلعان. الايدا، ءبىر رەت قانا جاعىپ، كۇنى بويى كۇن ساۋلەسىنەن قورعانىستامىن دەپ ويلاماعان ءجون. سول ءۇشىن كرەمدى اۋىق-اۋىق جاعىپ وتىرعان ابزال.

مارال قۇدايبەرگەنوۆا،  دەرماتوكوسمەتولوگ دارىگەر