تانىمال قازاقستاندىق كورىپكەل، رەسەيلىك «بيتۆا ەكستراسەنوۆ» تەلەشوۋىنىڭ قاتىسۋشىسى باقىت جۇماتوۆا تۋرالى ەستۋىڭىز بار ما؟ ءيا، ءدال سول ءوزى. كوپتەن بەرى تەلەەكرانداردان كورىنبەي كەتكەن كورىپكەلىمىز كولبەڭدەپ قايتا شىقتى. بۇل جولى ول قازاقستانداعى دەموگرافيالىق ءوسىم مەن يزرايل جانە جاپونياداعى سۋ تاسقىنىن، يشيم ۇيىمىنىڭ جويىلاتىنىن بولجادى. بۇل تۋرالى «قامشى» پورتالى RegTV.kz-كە سىلتەمە جاساي وتىرىپ حابارلايدى.
كورىپكەلدىڭ ايتۋىنشا، ول قانداي دا ءبىر اقپاراتتى پاررالەلدى الەمنەن الادى-مىس. پاراللەلدى الەم – تۇسىنىكسىز بولار. ول مۇمكىن جىندار الەمى بولار، الدە... ءجا، ەندى، قازاقستاندىق كورىپكەلدىڭ ەلىمىزدەگى جانە الەمدەگى ساياسي جاعدايلارعا قاتىستى جاساعان بولجامدارىنا توقتالا كەتەيىك.
- باقىت حانىم 2017 جىلعى بۇكىلالەمدىك ەكسپو كورمەسىنە قاتىستى بىلاي دەپتى: «2017 جىلى ەكسپو كورمەسى تىنىش ءارى وتە جوعارى دەڭگەيدە وتەدى. وعان ەشقانداي كەدەرگى كورىپ وتىرعان جوقپىن. بۇل كورمە قازاقستاننىڭ بەدەلىن كوتەرەتىن، بۇكىل الەمگە تانىتاتىن بولادى. ءتىپتى، كورمە اياقتالعان سوڭ، ءبىزدىڭ ەلدە ءتۇرلى سپورتتىق وليمپيادالار ۇيىمداستىرۋعا ۇسىنىستار تۇسەدى». تانىس سوزدەر مە؟ ءيا. ەكسپو-نىڭ ەل تاريحىنداعى ماڭىزدىلىعى باقىت حانىم ايتپاسا دا ءبىز بىلەتىنبىز. ال وليمپياداعا كەلەر بولساق، 2022 جىلعى قىسقى وليمپيادا ويىندارى مەن 2017 جىلعى ۋنيۆەرسيادانى وتكىزۋ ءۇشىن قازاقستان حوك-قا ۇسىنىس جاساعان جانە ەڭ باستى ۇمىتكەرلەردىڭ ءبىرى بولعان. سوندىقتان، بۇل جەردە ەشقانداي ينتريگا بولمايتىنى تۇسىنىكتى.
- ال قازاقستان، رەسەي جانە ۋكرايناعا قاتىستى كورىپكەل حانىم وزگەشە مالىمدەمە جاساۋدى ءجون كورگەن ەكەن. «قازاقستاندا شەتەلدىك سالىمشىلاردىڭ قاراسى ارتادى. ءتىپتى، رەسەي مەن ۋكراينادان كوپتەگەن زاۋىت، فابريكالار قازاقستانعا كوشىرىلەدى. بۇل 1941 جىلدى ەسكە تۇسىرەدى. سونداي-اق، قازاقستانعا نەمىستەر كوپتەپ كەلەدى»،-دەيدى.
- سونىمەن قاتار، جۇماتوۆا سوڭعى ۋاقىتتارداعى تاياۋ شىعىس پەن سيريادا قۇرىلعان يسلام مەملەكەتى سودىرلارىنا قاتىستى دا بولجام جاساعان ەكەن. ونىڭ ايتۋىنشا، بۇل ۇيىم كوپ ۇزاماي جويىلادى. «بۇل ال-كايدا ەمەس. ءتىپتى بۇل ەشقانداي دا ءدىني ۇيىم ەمەس. بۇل ارنايى تەررورمەن اينالىساتىن قۇرىلىم عانا. ولار قاي جەردە مۇناي بار، سول مەملەكەتتەردى سويقان سالىپ، باسىپ العىسى كەلەدى. مىسالى، يراك، سيريا، ەندىگى نىسان يران مەن اراب امىرلىكتەرى، ساۋد ارابياسى بولۋى مۇمكىن. ولار مەملەكەتتى جاۋلاپ الادى، مۇنايىن ساتىپ بولىپ، باسقاسىنا اۋىز سالادى. بار بولعانى وسى»،-دەيدى كورىپكەلىمىز. ايتپاقشى، بالشى حانىم ءيم-نىڭ بۇكىل الەمگە جورىعىن ناپولەون مەن گيتلەردىڭ ارەكەتىنە تەڭەپ، ولاردىڭ قازاقستانعا دا كوز الارتىپ وتىرعانىن ايتقان. الايدا، 2015-2016 جىلدىڭ جەلتوقسان ايلارىندا بۇل ۇيىم ءبىر جولاتا جويىلادى دەيدى. سونداي-اق، بالشى حانىم ق ر ۇقق ءتوراعاسى نۇرتاي ابىقايەۆتىڭ ءسوزىن مىسال ەتە وتىرىپ، ءيم-دى ءبىر عانا ادام باسقارىپ وتىرعانىن، ال قالعاندارى شوپاننىڭ قويىنداي ارتىنان ەرىپ جۇرگەندىگىن ايتىپتى.
- ەڭ باستىسى باقىت حانىمنىڭ بولجاۋىنشا كەلەشەكتە بۇكىل الەم مەملەكەتتەرى توپان سۋدىن استىندا قالىپ، باتىس ءسىبىر مەن قازاقستان عانا تاسقىننان امان قالادى-مىس. سوندىقتان، ءبىزدىڭ ەلگە جاپوندار قونىس اۋدارادى. ال اۋعانستان ەلى جەر بەتىنەن جويىلىپ، ەۋرەي حالقىن توپان شايىپ كەتەدى ەكەن.
- كورىپكەل حانىمنىڭ ايتۋىنشا، قازاقستان دامۋىدىڭ داڭعىل جولىنا الدە قاشان ءتۇسىپ قويعان. «مەن ناقتى ۋاقىتىن ايتا الامىن. 2017 جىلى قازاقستان اقش-پەن تەڭ دارەجەلەس بولادى»،-دەيدى باقىت جۇماتوۆا.
ءسىز سەنەرسىز، سەنبەسسىز، بۇل ءوز ەركىڭىزدە. تەك، باقىت حانىم ايتقانداردان شوشىماڭىز. ەل نە دەمەيدى... ۋاقىت كورسەتەدى، ءبارىن.
نۇرزات توعجان
