اتى اڭىزعا اينالعان باپكەر يگناسيو "ناچو" بەريستاين گولوۆكين-دەريەۆيانچەنكو جەكپە-جەگىنە تالداۋ جاساپ، قازاقستاندىق بوكسشىنىڭ وسال تۇستارىن اتاپ كورسەتتى، – دەپ حابارلايدى Qamshy.kz اقپارات اگەنتتىگى Sports.kz -كە سىلتەمە جاساپ.  

مامان  گولوۆكيننىڭ وسىنداي دارەجەدە جۇدىرىقتاسۋى ونىڭ جاس مولشەرىنە بايلانىستى ەمەس. بار بولعانى GGGء-دىڭ بۇل جەكپە-جەككە ناشار دايىندالعانى مەن جاڭا باپكەرىنىڭ ستراتەگياسىنىڭ بولماۋىن ءسوز ەتتى.

 "جەكپە-جەكتى كورىپ، گولوۆكيننىڭ بابىندا بولماعانىن بايقادىم. باۋىرىنا جويقىن سوققى وتكىزىپ العان سوڭ ول بەلسەندىلىگىن ارتتىرعانداي بولدى – كومبيناسيالار جاساپ، جىلدامىراق قوزعالىپ، اۋىر سوققىلار دارىتا باستادى"، – دەيدى يگناسيو.

ول سودان كەيىن گولوۆكيننىڭ قايتادان جارتىلاي باياۋ ستيلگە كوشكەنىن اتاپ ءوتتى. ايتۋىنشا، بوكسشىعا باپكەرىنىڭ اۋىسۋى اسەر ەتكەن.

"ماسەلە جاسىندا ەمەس"، – دەپ اتاپ ءوتتى باپكەر.

يگناسيو ءوزىنىڭ ارداگەر بوكسشىلارمەن جۇمىس ىستەگەن تاجىريبەسىمەن ءبولىسىپ، جاتتىعۋ پروسەسىنە سايكەس تۇزەتۋلەر ەنگىزىپ، سونىڭ ارقاسىندا ولاردىڭ رينگتە جاقسى جۇدىرىقتاسقاندارىن جەتكىزدى.

"گولوۆكينگە شىدامدىلىق جەتىسپەدى، بۇنداي قارسىلاستى جەڭۋ ءۇشىن وعان جىلدامدىقتى ارتتىرۋ بويىنشا جۇمىس جاساۋ كەرەك ەدى.

ول جىلدام ەمەس، ءبىراق مىقتى جانە قالاي ۇرۋ كەرەكتىگىن بىلەدى. ەندى باپكەردى اۋىستىرۋىنا بايلانىستى وعان بۇل قاسيەتتەر جەتىسپەۋدە. ول ۇشقىندى جوعالتىپ الدى"، – دەيدى اتاقتى باپكەر.

ەسكە سالساق، گەنناديي گولوۆكيننىڭ جاتتىقتىرۋشىسى دجوناتون بەنكس سەرگەي دەريەۆيانچەنكومەن وتكەن جەكپە-جەكتەگى قازاقستاندىق بوكسشىنىڭ جۇدىرىقتاسۋىنا كوڭىلى تولماعانىن جەتكىزىپ، بۇعان ءوزىنىڭ دە كىناسى بەر ەكەنىن ايتقان بولاتىن.