بتا بانكتىڭ بۇرىنعى باسشىسى مۇحتار ءابىليازوۆتىڭ قايدا ەكەنى ءقازىر انىقتالىپ جاتىر. بۇل تۋرالى بۇگىن تمد-عا مۇشە مەملەكەتتەر باس پروكۋرورلارىنىڭ ۇيلەستىرۋ كەڭەسى حاتشىلىعىنىڭ اياسىندا تمد ەلدەر باس پروكۋراتۋرالارى حالىقارالىق قۇرىلىمدارى باسشىلارىنىڭ كەزدەسۋىنىڭ رەسمت بولىمىنەن سوڭ جۋرناليستەردىڭ سۇراعىنا جاۋاپ بەرە وتىرىپ ەلىمىزدىڭ باس پروكۋرورىنىڭ ورىنباسارى ي.مەركەل ءمالىم ەتتى، دەپ حابارلايدى BNews.kz ءتىلشىسى.

«ءابىليازوۆتىڭ قايدا ەكەنىن انىقتاۋ جۇمىستارى جۇرگىزىلىپ جاتىر. ازىرگە ءبارى «تەرگەۋ قۇپياسى» بولىپ تابىلادى»، - دەدى ول. ەستەرىڭىزگە سالا كەتەيىك، مۇحتار ءابىليازوۆتىڭ ايەلى الما شالابايەۆا مەن قىزى الۋا ءابىليازوۆا ريم قالاسى ماڭىندا تۇرىپ جاتقان جەرىنەن 1 ماۋسىمدا قازاقستانعا دەپورتاسيالانعان ەدى. 3 ماۋسىمدا باس پروكۋراتۋرا الما شالابايەۆادان الماتى قالاسىنان ەشقايدا كەتپەۋ تۋرالى قولحات الىنعانىن حابارلاعان. ال ماۋسىمنىڭ 4ء-ى كۇنى اتىراۋدا اراسىندا كوشى-قون پوليسياسىنىڭ قىزمەتكەرلەرى بار ءبىر توپ ادام ءابىليازوۆتىڭ تۋىستارىنا جالعان قۇجات جاساۋ ىسىنە قاتىستى سوتتالدى. «بتا بانك» ديرەكتورلار كەڭەسىنىڭ ءتوراعاسى بولعان مۇحتار ءابىليازوۆ 2009 جىلى بانك مەملەكەت مەنشىگىنە وتكەن سوڭ شەتەلگە شىعىپ كەتىپ، لوندونعا قونىس تەپكەن. كەيىنىرەك ۇلىبريتانيا وعان ساياسي باسپانا بەردى. قازاقستان ۇكىمەتى ءابىليازوۆتى 5 ميللياردقا جۋىق اقش دوللارىن جىمقىردى دەپ ايىپتاپ، ۇلىبريتانيالىق سوتقا جۇگىنگەن.