ەگەمەن قازاقستان مەملەكەتىنىڭ بۇرىنعى استاناسى بولعان الماتى قالاسىنىڭ ىرگەسىندە ورنالاسقان، الماتى وبلىسىنا قاراستى ىلە اۋدانى، بۇرالداي ەلدىمەكەنىندەگى ۆودنيك ىقشام اۋدانى مۇسىلماندارى قاتتى قورشىلىق كورىپ وتىر.  ۆودنيك ەلدىمەكەنىندە سالىنعانىنا ون شاقتى جىل بولعان ۇلكەن مەشىت بار، مۇندا ورازا ۇستاپ، ناماز وقيتىن مۇسىلمان ەرەكشە كوپ. جۇما نامازىنا جينالعان جاماعاتتىڭ ءوزى ەكى ۇلكەن بولمەگە سىيماي قالادى. وكىنىشتىسى، مۇنداعى مۇسىلمانداردىڭ قۇقى بۇزىلىپ، ۇلتتىق، دىندىك نامىستارى  يسلامعا قارسى، قازاققا جاۋ وتانداستارىمىز تاراپىنان قورلانعالى ءبىراز جىل بولعان. ءار جىلى قاسيەتتى رامازان ايى كەلىسىمەن، مۇنداعى ەڭ ۇلكەن ماسەلە سۋدان تۋىندايدى. ۆودنيك1، ۆودنيك2، ۆودنيك3 دەپ اتالاتىن مولتەك اۋدانداردا قابات ۇيلەردەن باستاپ،  جەر ۇيلەرگە سۋ بەرۋ رامازان ايىندا ماقساتتى تۇردە توقتاتىلادى.  ورازا تۇتقان مۇسىلمان بالاسى تاڭعى استى دايىندايتىن مەزگىلدە، ياعىنىي، تاڭعى سارەسىنى دايىندايتىن كەزدە، مۇسىلمان بالاسى تاھارات الىپ، عۇسىل قۇيىنىپ، جۋىناتىن كەزدە، تۇنگى ساعات 1:00 مولشەرىنەن سۋ توقتاىلعاننان باستاپ، كۇن شىققانعا دەيىن سۋ بەرىلمەيدى.  ەڭ سوراقىسى، مۇندا بىرنەشە جىلدان بەرى ءار جۇما كۇنى جۇما نامازىنان بۇرىن، مىندەتتى تۇردە سۋ توقتاتىلادى. مۇنداي قۇبىلىس ماقساتتى تۇردە جاسالىناتىنىن مۇنداعى جۇرتتىڭ بارلىعى بىلەدى. جۇما نامازى اياقتالعاندا سۋ بەرىلەدى. مۇنداعى مۇسىلمان جاماعاتى ءۇشىن بۇل ۇيرەنشىكتى جاعداي. ولار ءار جىلى قادىر ءتۇنى كەلەردە، سۋ سالاسىن ۇستاپ وتىرعان وتانداستارىمىزعا جالىنىپ، جالبارىنۋمەن كەلەدى. ەڭ قىزىتىسى، جۇمادان باسقا كۇندەردىڭ ەشقايسىسىندا كۇندىز سۋ بەرۋ توقتاتىلمايدى. رامازان ايىنان باسقا ايلاردىڭ ەشقايسىسىندا ءتۇن ورتاسىنان تاڭ اتقانعا دەيىن سۋ توقتاتىلمايدى. ەڭ عاجابى، مۇنداعى سۋ قۇدايلارى قمدب تاراتقان ورازا-ناماز كەستەسىنە قاراپ وتىرىپ، ءبىر ءمينۋت-بىر سەكۋند ارى-بەرى  قالت جىبەرمەي، "قاتەلەسپەي" سۋدى بەرىپ جانە توقتاتىپ وتىرادى. ءار جۇما كۇنى كۇندىز  مىندەتتى تۇردە توقتاتىلاتىن سۋ جۇما نامازى اياقتالعاندا اۆتوماتتى قوسىلادى. دەمەك، جۇما نامازىنا عۇسىل قۇيىنىپ باراتىن مۇسىلماندار عۇسىل قۇيىنا المايدى. مەشىتتەگى جاماعات "سارى اعاشپەن" تاھارات العان كەزدەرى دە بولعان. رامازان ايى اياقتاسىمەن سۋدىڭ توقتاۋى دا اياقتاپ، 24  ساعات ءۇزىلىسسىز سۋ بەرىلەدى. 

وسى قىساسقا، وسى قورلىققا توقتاۋ بارما؟

اسىرەسە، بۇگىن بولاتىن قاسيەتتى قادىر تۇنىندە، ەكى مىڭعا تامان مۇسىلمان مەشىتتە قۇلشىلىق جاسايتىن ساتتە، قۇبىرداعى سۋدىڭ "قۇدايلارىنىڭ" قۇقايى مەن قورلىعى، قىساسى مۇنداعى جۋاس قازاقرارعا "قارىنىمنىڭ اشقانىنا ەمەس، قادىرىمنىڭ قاشقانىنا جىلايمىن" دەگەندى ەسكە سالارداي. قاسيەتتى قادىر ءتۇنى مۇنداعى "قادىرى قاشقان قازاقتى"  قايتكەندە "قاسيەتسىزدەرگە" قادىرلەتۋگە بولادى؟

ەلدىڭ، جەردىڭ، مەملەكەتتىڭ يەسىن قورلاعادا دا، تۋرا وسىنداي قورلاعان بارما؟