الماتى قالالىق قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆ قالادا جەدەل جاردەم قىزمەتىنە قوڭىراۋ شالۋ سانى ەكى ەسە ارتقانىن ايتتى.

«ەپيدەميا باستالعاننان بەرى قالادا جالپى 3 530 جاعداي تىركەلدى. 2 178 ادام ساۋىعىپ، ەمدەلىپ شىقتى. قايتىس بولعاندار سانى - 23. بۇگىندە قالا ستاسيونارلارىندا 1 398 ناۋقاس ەم الىپ جاتىر. اۋىرلىق دارەجەسى بويىنشا وتە اۋىر حالدە 19 ادام، اۋىر دارەجەدە - 173، ورتاشا دارەجەدە - 1044 جانە قاناعاتتانارلىق جاعدايدا 162 ادام تىركەلىپ وتىر»، - دەدى ك. نادىروۆ ورتالىق كوممۋنيكاسيالار قىزمەتىندەگى ونلاين باسپا ءسوز قىزمەتىندە.

وسى ورايدا ول قالا بويىنشا ستاسيونارلار مەن العاشقى سانيتارلىق-مەديسينالىق كومەك كورسەتۋ ۇيىمدارىندا مەديسينالىق كومەكتى ۇيىمداستىرۋ جۇمىستارى تولىققاندى جۇرگىزىلىپ جاتقانىن جەتكىزدى.

«تەك وتكەن اپتادا اۋرۋحانالارعا جاتقىزۋ مەن جەدەل جاردەم قىزمەتىنە قوڭىراۋ شالۋ سانى ەكى ەسە ارتقان بولاتىن. ناۋقاستار سانىنىڭ ءوسۋى سەبەبىن قانت ديابەتى، جۇرەك اۋرۋلارى ارتەريالدى گيپەرتەنزيا سياقتى اۋرۋلارى بار پاسيەنتتەردىڭ كوبەيۋىمەن بايلانىستى دەگەن قورىتىندىعا كەلىپ وتىرمىز. سونداي-اق، اۋرۋدىڭ اۋىرلىعى مەن پاسيەنتتەردىڭ جاس اراسىنداعى بايلانىس انىق بايقالادى، ياعني جاي-كۇيى اۋىر جانە وتە اۋىر پاسيەنتتەر اراسىندا 80 پايىزدان استامىن 60 جاستان اسقان ادامدار قۇرايدى»، - دەدى باسقارما باسشىسى.

تالداۋ ناتيجەلەرى بويىنشا 20-29 جاس ارالىعىنداعى ادامدار ءجيى جۇقتىراتىنىن كورسەتىپ وتىر، ولارعا اۋرۋعا شالدىعۋ جاعدايلارىنىڭ 35 پايىزى تيەسىلى. ال 60 جاستان اسقان ادامدار اراسىندا ينفەكسيا جۇقتىرۋ كورسەتكىشى 8،8 پايىز دەڭگەيىندە.

ونىڭ سوزىنە قاراعاندا، جالپى ديناميكادا دەرتتىڭ اۋىر جانە وتە اۋىر دارەجەدە ءوتىپ جاتقان ناۋقاستاردىڭ كوبەيۋى بايقالادى.