وتكەن اپتادا الماتىدا شەتەل قازاقتارىنا ارنالعان حالىقارالىق ونەر فەستيۆالى ءوتتى. مادەنيەت جانە اقپارات مينيسترلىگىنىڭ ءتىل كوميتەتى  وتكىزگەن بۇل ءىس-شارادا الەمنىڭ تۇكپىر-تۇكپىرىنەن كەلگەن باۋىرلارىمىز ونەر كورسەتتى.  فەستيۆال اياسىندا وتكىزىلگەن جىر ءمۇشايراسى، تەرمەشىلەر جارىسى جانە سۋرەتشىلەر كورمەسى ءوز مارەسىنە جەتىپ، جۇلدەگەرلەر باعالى سىيلىقتارمەن ماراپاتتالدى. الماتىداعى ع.مۇسىرەپوۆ اتىنداعى تەاتردا وتكەن اتاۋلى جيىنعا ءوز ەلىمىزدىڭ ايتۋلى ونەر مايتالماندارى قاتىسىپ، جاس تالانتتاردىڭ ونەرىنە قازىلىق ەتتى. ايتا كەتەرلىگى باس-اياعى ەكى كۇنگە جوسپارلانعان حالىقارالىق ونەر فەستيۆالى وتە جوعارى دەڭگەيدە ءوتتى. كورەرمەندەردىڭ كوزايىمىنا اينالعان جاس ونەرپازدار جينالعان قاۋىمدى ەرەكشە تالانتتارىمەن ءتانتى ەتتى. ءتىل كوميتەتى ءتوراعاسىنىڭ ورىنباسارى شەرۋباي قۇرمانباي ۇلى جينالعان قاۋىمعا اتالى ءسوز ايتىپ، قازاقستان مەملەكەتى الەمنىڭ ءار تۇكپىرىندەگى قازاققا ءارقاشاندا قامقور بولاتىندىعىن جەتكىزدى.  جىر ءمۇشايراسىنىڭ جۇلدەگەرلەرى: باس جۇلدە(150 مىڭ تەڭگە) – ەسبول نۇراحمەت(جۇڭگو) ءبىرىنشى جۇلدە(100 مىڭ تەڭگە) – ناۋرىزباي جاربوسىن ۇلى(وزبەكستان) ءىى ورىن(80 مىڭ تەڭگە) – جاندوس امانجول ۇلى(موڭعوليا) ءىىى ورىن(50 مىڭ تەڭگە)  - مۇباراك قيزات ۇلى(جۇڭگو) ىنتالاندىرۋ سىيلىعى(30 مىڭ تەڭگە) – جاراسقان نۇربايەۆ(وزبەكستان) جىر-تەرمەشىلەر باسەكەسىنىڭ جۇلدەگەرلەرى: باس جۇلدە(150 مىڭ تەڭگە) – مۇقاتاي بايمۇحاممەت(جۇڭگو) ءبىرىنشى جۇلدە(100 مىڭ تەڭگە) – ءسانتيا ونەرحان قىزى(جۇڭگو) ءىى ورىن(80 مىڭ تەڭگە) – قادىحان ماناي ۇلى(موڭعوليا) ءىىى ورىن(50 مىڭ تەڭگە)  - جازيرا سارقىتبەك قىزى(جۇڭگو) ىنتالاندىرۋ سىيلىعى(30 مىڭ تەڭگە) – زاڭعار ەركەبەك ۇلى(جۇڭگو) سۋرەتشىلەر بايقاۋىنىڭ جەڭىمپازدارى: باس جۇلدە(150 مىڭ تەڭگە) – بايمۇحانوۆ گ.س (رەسەي)  ءبىرىنشى جۇلدە(100 مىڭ تەڭگە) – ومارحان قۇمار(جۇڭگو) ءىى ورىن(80 مىڭ تەڭگە) – امانتايەۆ اليجان(قىرعىز ەلى) ءىىى ورىن(50 مىڭ تەڭگە)  - ءومىرزاق گۇلنازىم(موڭعوليا) ىنتالاندىرۋ سىيلىعى(30 مىڭ تەڭگە) – مامبەتوۆ رۋستام(وزبەكستان) سامعار راحىم، كورەرمەن: –       مادەنيەت جانە اقپارات مينيسترلىگى  وتكىزگەن بۇل ءىس-شاراعا كورەرمەن بولعانىما وتە قۋانىشتىمىن. الەمنىڭ ءار تۇكپىرىنەن كەلگەن الاش بالاسىنىڭ ونەرىن تاماشالاۋ ەكىنىڭ ءبىرىنىڭ ماڭدايىنا جازىلا بەرمەس. جالپى، مۇنداي ءىس-شارالاردىڭ اراسى الىستاپ كەتپەۋ كەرەك. ماۋسىم سايىن ۇيىمداستىرىلىپ وتىرسا تىپتەن قۇبا-قۇپ. بۇل وتە قۇپتارلىق جيىن. تولقىن يساكوۆا Masa.kz