"استانا" ۆەلوكومانداسىنىڭ كاپيتانى ۆينچەنسو نيبالي قازىلار القاسىنىڭ شەشىمىمەن "ۆۋەلتا" يسپان سۋپەر كوپكۇندىگىنىڭ جارىس كۇنىنىڭ ەكىنشى كەزەڭىنەن كەيىن شىعىپ قالدى. بۇل تۋرالى "قامشى" اقپاراتتىق پورتالى astanafans.com سايتىنا سىلتەمە جاساي وتىرىپ حابارلايدى.  

تانىمال سپورتشىنىڭ ديسكۆاليفيكاسياسىنىڭ سەبەبى دەپ سپورتشىنىڭ ەكىنشى كەزەڭنىڭ مارەسىنە 30 شاقىرىم قالعاندا ءۇيىندى استىندا قالعاندىقتان نەگىزگى توپتى كومانداسىنداعى سەرىكتەستەرىنىڭ كومەگىمەن قۋىپ جەتپەكشى بولعانى ايتىلادى.  

"يتاليان سپورتشىسى توپ الدىندا كەلە جاتقاندا الدىڭعى دوڭگەلەگى شىعىپ كەتتى، وعان "استانا" كومانداسىنىڭ تەحنيكالىق كولىگى جاقىندادى، كەيىن نيبالي قىسقا قاشىقتىققا وعان جارماسىپ ءوتتى، سوندىقتان ديسكۆاليفيكاسيا الدى. نيبالي نەگىزگى توپتى 20 شاقىرىم بويى قۋىپ كەلدى، فينيشكە 10 شاقىرىم قالعاندا عانا وعان كىرە ءبىلدى. ءبىراق بارلىق ارەكەتى سوڭىندا بوس قالدى. جازا تىم قاتاڭ بولدى، قازاقستاندىق كوماندا ەندى سەگىز اداممەن قالىپ وتىر، كوماندا گرانت-تۋر ستارتىندا ءوزىنىڭ كوشباسشىسىنان ايىرىلدى"، - دەلىنگەن حابارلامادا.

وقيعاعا قاتىستى پىكىر بىلدىرگەن وليمپيادا چەمپيونى الەكساندر ۆينوكۋروۆ قازاقستاندىق كوماندانىڭ تاراپىنان ەرەجەنىڭ بۇزىلعانىن مويىندادى. ول ۇيىمداستىرۋشىلاردان، كورەرمەندەردەن، جانكۇيەرلەر مەن دەمەۋشىلەردەن كەشىرىم سۇرادى. سونىمەن قاتار، ۆينوكۋروۆ ءنيباليدىڭ جارىستان شىعىپ قالۋىنىڭ قاتال جازا ەكەنىن مالىمدەدى.

"قامشى" سىلتەيدى