بۇگىن وڭتۇستىك قازاقستان وبلىسى ىشكى ساياساتى باسقارماسىنىڭ باسشىسى بەرىك ءۋالي مىرزا "نۇر وتان" پارتياسى ءتوراعاسىنىڭ بiرiنشi ورىنباسارىنىڭ كەڭەسشiسi قىزمەتiنە تاعايىندالدى. ەندىگى جەردە باس پارتيانىڭ اقپاراتتىق-يدەولوگيالىق جۇمىسىنا جاۋاپتى لاۋازىمعا يە بولعان بەرىك ءۋالي مىرزانىڭ جاڭا قىزمەتكە تاعايىندالعانى تۋرالى اقپاراتتى ساياساتتانۋشى جارقىن تۇسىپبەك ۇلى ءوزىنىڭ «فەيسبۋك» الەۋمەتتىك جەلىسىندەگى پاراقشاسىندا جازعان. بۇل تۋرالى «قامشى» پورتالى حابارلايدى.

ەستەرىڭىزگە سالا كەتەيىك، وسىعان دەيىن وقو اكىمى اسقار مىرزاحمەتوۆ مەملەكەتتەگى بيلەۋشى پارتيانىڭ ءبىرىنشى ورىنباسارى قىزمەتىنە اۋىسقاننان بەرى قوعامدىق ورتادا جانە قازاقستاندىق باق-تا وبلىستاعى ىشكى ساياساتتىڭ تىزگىنىن ۇستاپ وتىرعان بەرىك قۇرمانعالي ۇلىنىڭ  دا «كوماندالىق» جاساقپەن نۇر وتانعا اۋىسۋى مۇمكىن دەگەن سىبىس تارالا باستاعان. ءوز كەزەگىندە «قامشى» پورتالى دا بەرىك ءۋالي مىرزانىڭ وبلىستاعى ىشكى ساياساتتا جاساپ جاتقان جۇمىستارىنا ءادىل، سىني پىكىرلەرىن بەرىپ كەلدى دەگەن ويدامىز.

ەستەرىڭىزدە بولسا، بەلگىلى جۋرناليست بەرىك قۇرمانعالي ۇلى  2014 جىلدىڭ ماۋسىمىندا وڭتۇستىك قازاقستان وبلىسى ىشكى ساياسات باسقارماسىنا باسشى بولىپ تاعايىندالعان بولاتىن.

بەرىك ءۋالي مەملەكەتتىك قىزمەتتەگى العاشقى باسپالداعىن وقو اكىمى اپپاراتى باسشىسىنىڭ ورىنباسارى- وبلىس اكىمىنىڭ باسپا ءسوز حاتشىسى بولىپ جەمىستى باستاعان بولاتىن.  بۇل جاۋاپتىلىعى مەن ماڭىزى زور  جاڭا قىزمەتىندە دە، ۇلت مۇددەسى ءۇشىن تالاي يگى ىستەردى اتقاراتىنىنا كۇمانىمىز جوق. بەرىك مىرزانىڭ باس پارتيانىڭ يدەولوگيالىق ساياساتىنا تىڭ سەرپىن قوسىپ، جاڭا باستامالارىمەن حالىقتىڭ قامى ءۇشىن سۇبەلى شارۋالار اتقاراتىنى ءسوزسىز. ءار جىلدارى ءوزىنىڭ جۋرناليستىك قىرىمەن تانىلىپ، حالىقتىڭ سۇيىسپەنشىلىگىنە يە بولعان بەرىك قۇرمانعاليۇلىنا جاڭا قىزمەتتە تابىستار تىلەيمىز. ۇلتشىل ازاماتتاردىڭ بيلەۋشى پارتياعا  كەلۋىن ءبىز جاقسىلىققا جورىپ وتىرمىز.

نۇرگەلدى ءابدىعاني ۇلى