ءۇندىستاننىڭ دەنساۋلىق ساقتاۋ جانە وتباسىلىق ءال-اۋقات مينيسترلىگى ەلدە ءبىر تۇندە 81 مىڭ ادامنان كوروناۆيرۋس انىقتالعانىن ءمالىم ەتتى. ۆيرۋستى جۇقتىرعانداردىڭ جالپى سانى 6،39 ميلليوننان استى. بۇل تۋرالى ria.ru حابارلادى.
دەنساۋلىق ساقتاۋ مينيسترلىگىنىڭ مالىمەتىنشە، دارىگەرلەر 5،35 ميلليوننان استام ادامنىڭ ىندەتپەن كۇرەسىپ شىققانىن ايتقان. 942 مىڭنان استام ادام اۋرۋحانالاردا ەمدەلىپ جاتىر. سوڭعى تاۋلىكتە بۇل سان 1،5 مىڭعا ازايعان. ءولىم سانى 99 مىڭنان استى، سوڭعى تاۋلىكتە 1095 ادام قايتىس بولدى.
ءۇندىستان كوروناۆيرۋس جۇقتىرعاندار سانى بويىنشا الەمدە ەكىنشى ورىندا تۇر. اقش-تا كوروناۆيرۋس 7،2 ميلليون ادامنان انىقتالعان.
پىكىر قالدىرۋ