تەڭگەنىڭ تۇراقسىزدىعىنا بايلانىستى رەسەيلىك ساراپشىلار ەۋرازيالىق وداق اياسىندا ورتاق ۆاليۋتا “التىندى” ەنگىزۋ ۆاليۋتالىق داعدارىسقا ەڭ وڭتايلى شەشىم بولماق دەگەن پىكىرلەرىن ورتاعا سالىپ وتىر. بۇل تۋرالى "قامشى" اقپاراتتىق پورتالى 31 ارناعا سىلتەمە جاساي وتىرىپ حابارلايدى.

رەسەيلىك ساراپشىلار داعدارىستان شىعۋدىڭ جولى رەتىندە «دوللارعا التىنمەن سوققى بەرۋ» كەرەك دەگەن ۇسىنىستارىن جاساۋدا.

كورشىلەس ەلدىڭ ساراپشىلارىنىڭ ويىنشا، ورتاق ەۋرازيالىق ۆاليۋتا قاتىسۋشى ەلدەرگە ساۋدانى دوللارعا جالتاقتاماي جۇرگىزۋ مۇمكىندىگىن بەرەدى.

ال تۇرعىندار مەن كاسىپورىندار ۆاليۋتا ايىرباسى مەن بانك كوميسسياسىنان كوك تيىن جوعالتپايتىن بولادى. رەسەيلىكتەر بولاشاق ەۋرازيالىق قارجى ورتالىعىن قۇرۋداعى جوسپارلارىن نازارعا ۇسىندى.

«ەۋرازيالىق قور نارىعى، شامامەن ماسكەۋلىك قور نارىعىندا ىسكە اسىرىلاتىن بولادى. ال ەۋرازيالىق ورتالىق بانك الماتىدا بولۋى مۇمكىن. ارينە باستاپقىدا قولما-قولسىز التىن پايدا بولادى. بىرنەشە جىل وتكەسىن كەش (قولما-قول اقشا) تە تۇراقتايدى. ەۋروپالىق ەلدەردىڭ ەۋروعا وتكەندەگى تاجىريبەسىن دە ەسكەرگەنىمىز ءجون»، – دەيدى «الپاري» ساراپتامالىق دەپارتامەنتىنىڭ ديرەكتورى الەكساندر رازۋۆايەۆ.

بۇل تۇجىرىممەن قازاقستاندىق ساراپشىلار دا ءىشىنارا كەلىسىپ وتىر. التىندى ەنگىزۋ وتاندىق كاسىپورىنداردىڭ جۇمىسىن ءبىراز جەڭىلدەتەر ەدى.

الايدا، ورتاق ۆاليۋتا كەي قاۋىپ-قاتەرگە سەبەپ بولۋى دا ابدەن مۇمكىن. بۇل ورايدا ەكونوميكادان گورى ساياسات ماسەلەسى الدىڭعى قاتارعا شىعادى.

ەكونوميستەردىڭ پىكىرىنە سايكەس، قازىرگى ۆاليۋتالىق داعدارىس مەملەكەت باسشىلىعىن بيۋدجەتتى تولتىرۋدىڭ وزگە ادىستەرىن ىزدەۋگە يتەرمەلەيدى.

وعان مىسال رەتىندە نورۆەگيانى كەلتىرۋگە بولادى. اتالمىش ەل كاسىپكەرلىكتى دامىتۋعا قاجەت قارجىنى مۇناي ساتىلىمىنان تۇسكەن قاراجاتپەن قامتاماسىز ەتىپ وتىرعان.

"قامشى" سىلتپەيدى