قاراعاندى وبلىسى شاحتينسك قالاسىنىڭ سوتىندا ق ر قم كەدەن باقىلاۋى كوميتەتىنىڭ بۇرىنعى باسشىسى سەرىك بايماعامبەتوۆكە ازاپتاۋ ءتاسىلىن قولداندى دەپ ايىپتالعان اك 159/6 كولونياسىنىڭ قىزمەتكەرلەرىنە قاتىستى سوت ءىسى جالعاسۋدا، دەپ حابارلايدى «قامشى» پورتالى  Today.kz-كە ىلتەمە جاساي وتىرىپ.  سوت وتىرىسى كەزىندە زارداپ شەگۋشى ءوزىنىڭ سوزىندە كورگەن قورلىقتارىن ايتىپ بەرگەن ەدى. بۇل تۋرالى قازاقستاندىق ب ا ق جازعان بولاتىن.

ايىپتاۋشى جاق بايماعامبەتوۆ 2013 جىلى جەتكىزىلگەن مەكەمەدە ونى "ءتىر دالىزدەن" وتكىزگەنىن ايتادى. "بۇل شىنىمەن بولعان، ول دالەلدەنگەن"، - دەيدى شاحتينسك قالاسى پروكۋرورىنىڭ ورىنباسارى تالعات الەكپايەۆ.

زارداپ شەگۋشىنىڭ ايتۋىنشا، ونى كولونياعا جەتكىزگەن كەزدە رۋسلان پوپوۆيان اتتى قىزمەتكەر جاڭادان كەلگەننىڭ ءبارى اپارىلاتىن كارانتيندىك ورىنعا ەرتىپ اپارعان. جول بويىندا ول بيماعامبەتوۆتى كولونيا قىزمەتكەرلەرىنەن قۇرالعان "ءتىر دالىزدەن" وتكىزگەن. ياعني، ءبىر قاتاردا تۇرعان ادامدار وعان سوققى بەرگەن. ال، كارانتيندىك ورىندا پوپوۆيان وعان جالاڭاش كۇيىندە ەدەن جۋدىرتپاق بولعان.

"باق-تا ءىس ماتەريالدارى دۇرىس تۇسىندىرىلمەگەن، - دەيدى بايماعامبەتوۆ. – مەن جالاڭاش كۇيدە ەدەن جۋعان جوقپىن. پوپوۆيان مەنى سولاي ىستەۋگە ءماجبۇر ەتۋگە تىرىستى، بۇل وزىنشە ءبىر ءداستۇر، بۇل سوتتالۋشىنى باعىندىرۋ ءۇشىن جاسالادى، مەن باس تارتتىم".

بايماعامبەتوۆ سونداي-اق، ونى ەدەن جۋعان دەپ جازعان باق-پەن سوتتاسپاق.

"سوتالۋشى بايماعامبەتوۆ – بۇرىنعى مينيستر جەتكىزىلدى، - دەيدى رۋسلان پوپوۆيان. «ونى ازاپتاۋ قانداي ولقىلىق ەكەنىن كىم بىلمەيدى؟ ول VIP بەلگىسىمەن جەتكىزىلگەن سوتتالۋشى. ول ازاپ كورسەتۋ تۋرالى ارىزدى كولونياداعى مەرزىمىن قىسقارتۋ ءۇشىن جازىپ وتىر.»

سوت شەشىمى 27 تامىز كۇنى جاريا ەتىلەدى

مۇنىڭ الدىندا، ايىپتاۋشى جاق كولونيا قىزمەتكەرىنە قاتىستى ءۇش جىل باس بوستاندىعىنان ايىرۋ جازاسىن سۇراعانى حابارلانعان بولاتىن.

نۇرزات توعجان