الماتىداعى برەند كيىمدەر ساتاتىن ءدۇكەن كيىنۋ بولمەلەرىندە تۇتىنۋشىلارىن جاسىرىن كامەراعا ءتۇسىرىپ كەلىپتى. بۇل تۋرالى «قامشى» پورتالى 31 ارناعا سىلتەمە جاساي وتىرىپ حابارلايدى
دۇكەنگە بارعان ساتىپ الۋشىلاردىڭ ءبىرى ەكى اي بۇرىن سمارتفوننىڭ كامەراسىن ۆەنتيلياسيالىق تەسىكتەن كەزدەيسوق بايقاپ قالادى.
«ءجاي عانا جوعارى قاراپ قالعاندا، ۆەنتيلياسيانىڭ تەسىگىنەن ايفوندى كورىپ قالدىم. مەنى ءتۇسىرىپ جاتقانىن تۇسىنگەندە، ەسەڭگىرەگەن كۇيگە ءتۇستىم. ۆيدەونى ولاردىڭ تەلەفوندارىنان كەيىن تابا المادىق. ولار ونى ءوشىرىپ تاستاعاندارىن ايتتى”، – دەيدى دۇكەننىڭ تۇتىنۋشىسى.
مۇنداي ارەكەتكە دۇكەندەگى جاس قىزمەتكەرلەر بارعان. كومپانيا كيىنۋ بولمەسىنىڭ جوعارعى قاباتىىندا كيىم قويماسى ورنالاسقانىن جانە سول جەردەن قىزمەتكەرلەرى كامەرامەن سىعالاپ، ۆيدەوعا تۇسىرۋگە كىرىسكەنىن ايتۋدا. ولاردىڭ سوزىنە سەنسەك، بۇل اعاتتىق تۇزەتىلىپ، ەندىگى جاعداي باقىلاۋعا الىنعان.
“ءبىزدىڭ دۇكەن قىزمەتكەرلەرى جاستار بولعاسىن، اعاتتىق جىبەرىپ قويدى. ولار قاتاڭ جازالاۋ الىپ، جۇمىستان قۋىلدى”، – دەيدى كومپانيانىڭ ريتەيل-ديرەكتورى مارينا زايچەنكو.
مۇنداي ارەكەت زاڭعا قايشى سانالادى جانە وعان بارعاندار 4 ملن تەڭگەگە جۋىق ايىپپۇل تولەۋگە مىندەتتەلۋى مۇمكىن.
“مۇنداي قادام ءۇشىن 2 جىلعا باس بوستاندىعىنان ايىرۋ نەمەسە 2000 اەك كولەمىندە ايپپۇل تولەۋ جازاسى قاراستىرىلعان”، – دەيدى قورعاۋشى جانگەلدى سۇلەيمانوۆ.
