الماتى. قامشى پورتالى - اقتاۋدا كۇن سايىن ازىق-تۇلىك جارمەڭكەلەرى وتەتىن بولادى. بۇل تۋرالى اقتاۋ قالاسى اكىمى ورىنباسارىنىڭ م.ا. بەيسەنعالي كەنجالييەۆ حابارلادى.

ەرتەڭنەن باستاپ 11 شاعىن اۋدانداعى «ىنتىماق» الاڭىندا جەرگىلىكتى ازىق-تۇلىك وندىرۋشىلەرىنىڭ جارمەڭكەلەرى اشىلادى. ولار 10.00-دەن 13.00-گە دەيىن جۇمىس جاسايدى. ازىق-تۇلىكتى قولجەتىمدى باعاعا جاي كۇندەرى دە ساتىپ الۋعا بولادى. ايماقتىڭ بارلىق كاسىپكەرلەرى ءبىزدى قولداپ، جارمەڭكەگە قاتىسۋعا كەلىسىمىن بەرگەنىن اتاپ وتكىم كەلەدى. «كاسپيي» الەۋمەتتىك-كاسىپكەرلىك كورپوراسياسى دا ءوز ونىمدەرىن ۇسىنادى، - دەدى بيسەنعالي كەنجالييەۆ.

جەرگىلىكتى بيلىك بۇل باستاما بارىنە قولايلى دەپ سانايدى: كاسىپكەرلەر تۇراقتى وتكىزۋ نارىعىن تابادى، تۇرعىندار تاۋارلاردى قولجەتىمدى باعامەن الىپ، ۇنەمدەۋگە مۇمكىندىك الادى. 

دەرەككوزى: قازاقپارات