استانالىق جەزوكشەلەر ۇكىمەتكە ءوتىنىش جاسادى. ولار شەنەۋنىكتەردەن كاسىپتەرىن زاڭداستىرىپ بەرۋدى تالاپ ەتۋدە. بۇل تۋرالى "قامشى" پورتالى كتك ارناسىنا سىلتەمە جاساي وتىرىپ حابارلايدى.

تۇنگى كوبەلەكتەر دە مەملەكەتكە سالىق تولەپ، قارتايعاندا جۇرت قاتارلى زەينەتاقى العىسى كەلەدى ەكەن. «قىزمەتىمىزدەن قازىناعا تابىس ءتۇسىرىپ تۇرسا، ءجۇزىمىز جارقىن جانە ەۋروپاداعىداي ەركىن ەڭبەك ەتەر ەدىك»،- دەيدى تۇنگى كوبەلەكتەر.

جىن ويناقتىڭ ورداسىنا اينالعان استانا ۆوكزالى ماڭىنان ءبىر تۇندە جۇزگە جۋىق جەزوكشە ۇستالعانى تۋرالى بۇعان دەيىن دە "قامشى" پورتالى جاڭالىقتارىندا جازعان بولاتىن.

جەزوكشەلىكتى وزىنە كاسىپ قىلىپ، ءناپاقاسىن ارام ولجادان تاۋىپ جۇرگەن تۇنگى كوبەلەكتەر ءتۇن تۇندىگىن تۇرە قالسا استانا ۆوكزالى ماڭى تۇرعىندارىنىڭ مازاسىن العان سىڭايلى.ولار ءوزىنىڭ ورەسكەل  ىسىنە وكىنىش ارتىپ، تۇزەلۋدىڭ ورنىنا ۇكىمەتكە جەزوكشەلىكتى زاڭداستىرۋ تۋرالى وتىنىشتەرىن جەتكىزدى. بۇعان دەيىن دە، ءبىزدىڭ ەلدە جەزوكشەلىكتى زاڭداستىرۋ ماسەلەسى وقتىن-وقتىن كوتەرىلىپ تۇرعان. ونى دەموگرافتار تالاي مىنبەردەن ايتتى. ءبىراق، بۇل ماسەلە ۇكىمەت دەڭگەيىندە ەشقاشان قاراستىرىلماعان.

دەگەنمەن دە، كەشە ۆيسە پەمەردىڭ  مىنبەردەن سويلەگەن مالىمەتىنە سۇيەنسەك، قازىرگى  ديپلوم العان جاستاردىڭ 37% ەكى قولعا ءبىر كۇرەك تاپپاي ءجۇر. تەڭگەسى «دەڭگەلەك» اينالعان الماعايىپ زاماندا جاستاردىڭ كوپ بولىگىنىڭ  جۇمىسسىز ەكەنىن ەسكەرسەك، تيىندى ارعا الماستىرىپ، جەڭىل جولمەن تابىس كوزدەمەسىنە كىم كەپىلدىك ەتە الادى؟!  

ەجەلدەن ىرىم مەن تىيىمدى مىسە تۇتىپ، نامىس پەن ۇياتتى جۇرەگىنە اق قىپ بايلاعان ۇلتىمىزدىڭ ۇلاعاتىن ۇمىتىپ، قانىمىزعا دا ارىمىزعا  دا جات جەزوكشەلىكتى  جەلەۋ ەتۋ- ولارعا ۇكىمەت تاراپىنان راستاۋ  ۇيات، اتا ءدىنىمىز ءۇشىن كۇنا. ەۋروپادان ۇلگى الارىمز  دا كوپ، ولارعا قادار جانارىمىز دا شوق بولىپ تۇر. كارى قۇرلىق ەكونوميكا جاعىنان بولسىن، مادەنيەت جاعىنان بولسىن ات باسى الدا ەكەنىنە ايتار داۋ جوق، ءبىراق كەرەگىن الىپ، "بولماسىن" تاستاۋ كەرەك.

گۇلدەن ءابدىباقىت

"قامشى" سىلتەيدى