الماتى. قامشى - 25 تامىزدا اقتاۋ قالاسىنىڭ اكىمدىگىندە ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ ۇيىمداستىرۋىمەن «كاسىبي مەملەكەتتىك اپپارات قۇرۋ» تاقىرىبىندا سەمينار-كەڭەس ءوتتى، دەپ حابارلادى قالالىق اكىمدىكتىڭ باسپا ءسوز قىزمەتىنەن. 

«100 ناقتى قادام» ۇلت جوسپارىنا سايكەس - كاسىبي، اۆتونومدى مەملەكەتتىك اپپاراتتى قالىپتاستىرۋدىڭ 15 قادامى اياسىندا ەلباسى تاراپىنان ماقۇلدانعان كەلەسى تۇجىرىمدامالىق ۇسىنىستار ازىرلەندى. 

اتاپ ايتقاندا، مەملەكەتتىك قىزمەتتىڭ مانساپتىق مودەلىنە كوشۋ بولىپ تابىلادى. بۇل مودەل اياسىندا مەملەكەتتىك قىزمەتكە العاش قابىلداناتىندار ءوز قىزمەتتىك جولىن تەك تومەنگى لاۋازىمداردان باستايدى. 2016 جىلدىڭ 1 قاڭتارىنان باستاپ ەڭبەكاقى تولەۋدىڭ فاكتورلى - بالدىق جۇيەسىنە كوشۋى قاراستىرىلۋدا. مەملەكەتتتىك قىزمەتكەردىڭ جۇمىس ساپاسى مەن ناتيجەسىنە، سىبايلاس جەمقورلىققا توزىمسىزدىك جانە تارتىپتىلىك سياقتى قاسيەتتەرىنە باسا نازار اۋدارىلادى. مەملەكەتتىك قىزمەتكەرلەردىڭ كاسىبي بىلىكتىلىگىن ارتتىرۋ ماقساتىندا ءۇش جىلدا كەمىندە ءبىر رەت مىندەتتى بىلىكتىلىگىن ارتتىرۋ زاڭدى تۇردە بەكىتۋ قاراستىرىلادى.

مەملەكەتتىك اپپاراتتى دامىتۋ ءۇشىن «مەملەكەتتىك قىزمەت تۋرالى» جاڭا زاڭ جاساقتالىپ، تۇجىرىمدامالىق تاسىلدەر قوسا بەكىتىلەتىن بولادى. سونىمەن قاتار، جاڭا بىلىكتى كادرلاردى ىرىكتەۋ مودەلى اياسىندا، ماماندىعى بويىنشا بىلىكسىز جانە جۇمىسقا ىقىلاسسىز قىزمەتكەرلەردى بولدىرماۋ ءۇشىن، 2016 جىلى مەملەكەتتىك قىزمەتكەرلەر اراسىندا كەشەندى اتتەستاسيا جۇرگىزىلەتىن بولادى،- دەدى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى باسشىسىنىڭ ورىنباسارى - تارتىپتىك كەڭەسىنىڭ ءتوراعاسى مۇرات قادىربەك.

دەرەككوزى: قازاقپارات