تۇرىكتىڭ "گالاتاساراي" كومانداسىنىڭ نەمىس شابۋىلشىسى لۋكاس پودولسكي چەمپيوندار ليگاسىنىڭ جەرەبەسىنەن كەيىن Twitter جەلىسىندە قازاقستان تۋرالى جازبا جازعان ەدى، بۇل تۋرالى "قامشى" پورتالى الدىڭعى جاڭالىقتارىندا جازعان بولاتىن. ەندى ول قازاقستاندىق جانكۇيەرلەردەن كەشىرىم سۇرادى. بۇل تۋرالى "قامشى" پورتالى Tengrinews.kz-كە سىلتەمە جاساي وتىرىپ حابارلايدى. 

"بورات تۋرالى ءتۆيتىم ءۇشىن كەشىرىم سۇرايمىن، بۇل تەك ءازىل بولعان ەدى. قازاقستان مەن قازاقستاندىقتاردى مازاق ەتكىم كەلمەگەن"، - دەدى پودولسكي ءوز جازباسىندا قازاقستاندىقتاردان كەشىرىم سۇراپ.

ەسكە سالا كەتەيىك، پودولسكي چەمپيوندار ليگاسىنىڭ توپتىق كەزەڭىندەگى تارتىلعان جەرەبەنىڭ قورىتىندىسىنان كەيىن  Twitter دەگى پاراقشاسىنا : "ەرەكشە كۇتەمىن" دەپ اتى شۋلى كەيىپكەر "بوراتتىڭ" سۋرەتىن قويىپ جازعان بولاتىن.

فاناتتار فۋتبولشىنىڭ پىكىرىنە نارازىلىق تانىتتى. كەيبىرى ۋەفا-عا شاعىم ءتۇسىرۋدى ۇسىنسا، كەيبىرى فۋتبولشىدان الاڭدا كەك الۋ كەرەكتىگىن ايتتى. سونىمەن قاتار، جانكۇيەرلەر پودولسكيدىڭ بوراتتىڭ كەيپىندەگى سۋرەتىن سالۋ يدەياسىن قولداپ جاتىر. كەيبىر قولدانۋشىلار پودولسكيگە استانانىڭ سۋرەتىن جىبەرىپ، قازاقستاننىڭ بوراتتىڭ فيلمىندەگىدەي ەمەس ەكەنىن دالەلدەۋگە تىرىسىپ جاتىر.

ايتا كەتەيىك، تۇركيالىق كلۋبتىڭ جانكۇيەرلەرى دە پودولسكيدىڭ ارەكەتىنە جاۋاپ قاتتى: "پولدي، مۇنداي كەيىپكەردىڭ سۋرەتىن جاريالاۋ ساعان ءتان نارسە ەمەس. قارسىلاسقا قۇرمەت كورسەتۋ كەرەك"،-دەيدى ولار.