جاقىندا پەتروپاۆلسك كوشەلەرىنىڭ بىرىندە پروۆوكاسيالىق جارناما باننەرى پايدا بولعان. مەكتەپ جابدىقتارىن ساتۋمەن اينالىساتىن دۇكەننىڭ قابىرعاسىندا «مەكتەپ فورمالارى» (شكولنايا فورما) دەپ جازىلعان جارتىلاي جالاڭاش ەر مەن ايەلدىڭ سۋرەتى بەينەلەنگەن. بۇل تۋرالى «قامشى» پورتالى tengrinews.kz-كە سىلتەمە جاساي وتىرىپ حابارلايدى.

Tengrinewsء-تىڭ جازۋىنشا قابىرعاسىندا جارتىلاي جالاڭاش ەر مەن ايەلدىڭ قۇشاقتاسىپ جاتقان سۋرەتى بار دۇكەن شىن مانىندە مەكتەپ جابدىقتارىن ساتۋمەن اينالىسادى. اتالمىش باننەردىڭ جوعارعى جاعىندا قاراپايىم كيىنگەن كىشكەنە ۇل مەن قىزدىڭ سۋرەتى دە بەينەلەنگەن. تۇرعىنداردىڭ ايتۋىنشا، ادەتتەگى جارنامالارداعى سەكىلدى، مەكتەپ جاسىنداعى قىز بالا مەن ۇلدىڭ سۋرەتى بەينەلەنگەن باننەردى كورۋ ءۇشىن ءبىرشاما قاشىقتىققا ۇزاۋى كەرەك.

بۇعان نارازى بولعان اتا-انالار دۇكەن قوجايىنىنا شاعىمدانعان. ال دۇكەن قوجايىنى اعاتتىق كەتكەنىن مويىنداپ، تەز ارادا شارا قولداناتىنىن ايتقان.

«بۇل جەردە ءبىر كەلەڭسىزدىك ورىن الىپ وتىر. ۇيلەسىمدىلىكتى ساقتاماعان ەكەنبىز. ءبىز مۇنى مويىندايمىز جانە تەز ارادا تۇزەتەتىن بولامىز. بۇل قيىن شارۋا ەمەس»،-دەيدى دۇكەن قوجايىنى سەرگەي ساكيرو.

نۇرزات توعجان