ەلباسىمىز تەڭگە قۇنسىزدانعان كۇنى «تاۋەلسىزدىگىمىزگە قاۋىپ ءتونىپ تۇر»،- دەپ ەدى. سوندا ەلباسى ءتول تەڭگەمىزدەن ايىرىلىپ قالۋىمىز ىقتيمال  ەكەنىن مەڭزەدى مە؟ قازاقستاندا تەڭگە قۇنسىزدانا باستاعاندا رەسەيلىك ساراپشىلار ەۋرازيالىق وداق اياسىندا ورتاق ۆاليۋتا “التىندى” ەنگىزۋ تۋرالى پىكىرلەرىن ايتا باستادى. ەستەرىڭىزدە بولسا، رەسەي پرەزيدەنتى ۆ. پۋتين وسى جىلدىڭ 10 ناۋرىز كۇنى سەنتروبانك باسشىلىعىنا جانە مينسيترلەر كابينەتىنە ۇستىمىزدەگى جىلدىڭ 1 قىركۇيەگىنە دەيىن ەاەو جانە كو اياسىنداعى ورتاق ۆاليۋتالىق ينتەگراسيا قۇرۋدى جەدەلدەتۋدى تاپسىرعان بولاتىن( http://old.qamshy.kz/؟p=21117). ىلە-شالا استانادا ءۇش ەل پرەزيدەنتىنىڭ ەاەو اياسىنداعى كەزدەسۋى بارىسىندا قازاقستان مەن بەلورۋسسياعا ەۋرازيالىق وداق شەڭبەرىندە ورتاق ۆاليۋتالىق وداق قۇرۋدى ۇسىندىپ كەتكەن ەدى(http://old.qamshy.kz/؟p=21683). سوندا ەلىمىزدەگى وسى رەتكى بولعان تەڭگەنىڭ قۇنسىزدانۋى پۋتيننىڭ تاپسىرماسىنا ساي جاسالىپ وتىر ما؟

ەۋرازيالىق وداق اياسىندا رەسەي جاعى ۇسىنىس پەن تاپسىرىس جاساۋشى، ءبىز ورىنداۋشى بولىپ وتىرا بەرەمىز بە؟ سوندا ءبىز اتا-بابا ارمانى بولعان ازاتتىعىمىزدى وداقتىڭ «التىنىنا» ايىرباستاي سالامىز با؟ قۇنى تۇسسە دە، ءتول تەڭگەمىزدەن ايرىلعانىمىز - تاريحىمىزعا جاساعان قياناتىمىز بولماق. وندا بار قازاقتى اتا-بابا ارۋاعى دا، بولاشاق ۇرپاق تا كەشىرمەيدى. ءار قازاق بالاسى دا ۇرپاق الدانىدا ارى تازا بولىپ قالعىسى كەلەر. مەملەكەتىمىزدىڭ دەربەستىگىن ساقتاپ قالۋ ويىمىزدا بولسا، ورتاق ۆاليۋتانى ەسىگىمىزدەن كىرگىزبەۋگە بارىمىزدى سالۋىمىز كەرەك.

تۇردىبەك قۇرمەتحان