قازاقستانداعى گۇل سالوندارى «ءبىلىم كۇنىنە» قارسى ساتىپ الۋشىلاردىڭ ۇلكەن اعىمىنا دايىندالۋدا. بۇل تۋرالى "قامشى" پورتالى Today.kz -كە سىلتەمە جاساي وتىرىپ حابارلايدى. 

استانادا ءبىلىم كۇنى قارساڭىندا ەڭ ءوتىمدى گۇلدەر باقىتگ ۇلى (حريزانتەما) مەن گلاديولۋستار. ءبىر گۇل شوعىرىنىڭ ورتاشا قۇنى 2 000-2 500 تەڭگە.

"اتا-انالار مەن ونىڭ بالالارى گۇلدەردى 1- قىركۇيەك قارساڭىندا الا باستايدى. نەگىزىنەن حريزونتەمالار الادى. ويتكەنى، ولار  وزگە گۇلدەرگە قاراعاندا ۇزاق ساقتالادى. ال، گلاديولۋستار-بىلىم كۇنىنىڭ ءداستۇرلى گۇلدەرى "، - دەيدى گۇل سالونىنىڭ ساتۋشىسى ميرا.

الماتىدا ساتۋشىلاردىڭ ايتۋىنشا ەڭ ءوتىمدى تاۋار – اقگۇل (ليليالار) مەن باقىتگ ۇلى (حريزانتەمالار). 1 500 تەڭگەگە ءۇش گۇلدەن ءبىر شوعىر جاساۋعا بولادى. تەڭگە باعامىنا بايلانىستى الماتىنىڭ گۇل سالوندارىندا باعا كوتەرىلگەن.

"گۇل باعاسى ءوستى. ءبىز ولاردى گولانديادان، كولۋمبيادان، ەكۆادوردان الامىز، ال ول جاقتا ساۋدا- دوللارمەن. ءبىر راۋشاننىڭ قۇنى -كوتەرمە ساۋدادا 500 تەڭگە، ءبىز وعان 200-300 تەڭگە قوسامىز. سونىمەن قىمباتىراق بولادى. ونىڭ ۇستىنە، راسىمدەۋ قىزمەتى تاعى بار. كەيىنگى كەزدە ساتىپ الۋشىلار جەرگىلىكتى راۋشانداردى جاقسى الادى، ولار كىشىرەك ءبىر داناسى 250 تەڭگە تۇرادى"، - دەيدى گۇلساتۋشى يۋليا.

گۇل باعاسى شىمكەنتتە دە وسكەن. ساتۋشىلاردىڭ ايتۋىنشا، ەڭ تانىمال گۇل قاتارىنداعى حريزانتەمانىڭ بيۋدجەتتىك قۇنى 500 تەڭگە بولسا- ءبىلىم كۇنى ولار 700-800 تەڭگەگە وسەدى.

پاۆلوداردا دا جاڭا باعا بويىنشا گۇلدەردىڭ العاشقى لەگى كەلدى. گۇل ساتۋشىلاردىڭ سوزىنشە، جاڭا تاۋار 30 پايىزعا وسكەن. ورتاشا، ءبىر گۇل شوعىرىنىڭ قۇنى 1500-دەن 2 500 تەڭگەگە دەيىن.

قاراعاندىلىقتار بولسا، گۇل باعاسى  سول كۇيدە قالاتىنىن ايتادى. ساتىپ الۋشىلار جاقسى گۇل شوعىرىن 1 500-2 000 مىڭعا الا الادى. قاراعاندىلىقتار ءجيى الاتىن گۇلدەر باقىت گ ۇلى ( حريزانتەما ) مەن گلاديولۋستار.