ەلوردادا ق ر كونستيتۋسياسىنىڭ 19 جىلدىعىنا وراي 50-دەن استام شارا ۇيىمداستىرىلدى. بۇل تۋرالى "قامشى" Skifnews.kz - كە سىلتەمە جاساي وتىرىپ حابارلايدى.

استانا اكىمدىگى رەسمي سايتى مالىمدەگەندەي، 28 تامىزدا «دۋمان» قوناق ۇيىندە «كونستيتۋسيا  قوعام مەن مەملەكەتتىڭ دامۋىنىڭ ستراتەگيالىق نەگىزى» تاقىرىبىندا عىلىمي-پراكتيكالىق كونفەرەنسيا ءوتتى. 29 تامىزدا بەيبىتشىلىك جانە كەلىسىم سارايىندا مەملەكەتتىك مەرەكەگە ارنالعان سالتاناتتى جينالىس پەن كونسەرت ۇيىمداستىرىلدى. 30 تامىزدا ورتالىق الاڭدا قالا تۇرعىندارى مەن قوناقتارىنا ارنالعان مەرەكەلىك كونسەرت قويىلادى.

ەلوردالىق ءبىلىم مەكەمەلەرى، مۇراجايلار مەن كىتاپحانالاردا دا مەرەكەلىك ءىس-شارالار، اتاپ ايتقاندا، ەكسكۋرسيالار، دوڭگەلەك ۇستەلدەر، تاقىرىپتىق كەشتەر ۇيىمداستىرىلادى.

قالالىق بالالار كىتاپحانالارى كىشكەنتاي استانالىقتارعا ارنالعان تانىمدىق تاقىرىپتىق كەشتەر وتكىزەدى. ەكسپوزيسيالاردا اتا زاڭىمىزدان ۇزىندىلەر كەلتىرىلگەن، سونداي-اق، ەلىمىزدىڭ مەملەكەتتىك نىشاندارى تۋرالى جازىلعان يلليۋستراسيالانعان جۋرنالدار قويىلادى.

ەلوردادا تامىز ايىندا ق ر كونستيتۋسياسىنىڭ 19 جىلدىعىن اتاپ ءوتۋ اياسىندا حالىقتىڭ الەۋمەتتىك قورعالماعان توپتارىنا باعىتتالعان الەۋمەتتىك ماڭىزدى ءىس-شارالار وتكىزىلەدى. زەينەتكەرلەرگە 3 مىڭ تەڭگە كولەمىندە ءبىر رەتتىك اقشالاي كومەك كورسەتىلەدى. قارتتار مەن مۇگەدەكتەرگە ارنالعان مەديسينالىق مەكەمەدە «ناز» بي تەاترىنىڭ قايىرىمدىلىق كونسەرتى وتەدى. 29-30 تامىزدا ساۋدا ورتالىقتارىندا مەرەكەلىك جەڭىلدىكتەر جاسالادى. كونستيتۋسيا كۇنى كامەلەتكە تولعان ەلوردالىقتاردىڭ دا جادىندا قالماق. ءداستۇر بويىنشا ولارعا سالتاناتتى جاعدايدا قازاقستان ازاماتىنىڭ جەكە كۋالىگى تابىستالادى.

مەرەكە كۇندەرى ەلوردا تۇرعىندارى مەن قوناقتارى ءۇشىن جاستار اكسيالارى مەن فلەش-موبتار، بالالار اراسىندا اسفالتقا سۋرەت سالۋ بايقاۋلارى مەن سپورتتىق شارالار، جارىستار ۇيىمداستىرىلادى. ق ر كونستيتۋسيا كۇنىنە ارنالعان شارالار ميچۋرينو، زارەچنىي، يلينكا، كوكتال تۇرعىن الابتارىندا دا وتەدى.