قانداي مەملەكەتتىڭ بولاشاعىنا سەنۋگە بولادى؟ازاماتتارى ءوز قۇقىعىنىڭ تاپتالمايتىنىنا، تاپتالا قالسا، زاڭعا جۇگىنە الاتىن مەملەكەتتىڭ بولاشاعى جارقىن. ال بىزدە قالاي؟ بىزدە زاڭنىڭ بەل ومىرتقاسىن كەرزى ەتىكپەن تەپكىلەپ، ادىلدىكتى قان قاقساتىپ كەتە بەرۋگە بولادى. جەمقورلىق جويىلماي، ازاماتتاردىڭ قۇقى تولىققاندى قورعالاتىنىنا ءسىز ناناسىز با؟ ءبىراق سوندا دا مەن بالالارىمدى ءبىزدىڭ ەلدىڭ بولاشاعىنا سەنۋگە تاربيەلەپ كەلە جاتىرمىن. ادىلەتى ازداۋ ەلدىڭ ۇرپاعىن «ادىلەتتى بول» دەپ تاربيەلەۋ ءسال قيىنداۋ. ءبىراق بۇل ءبىزدىڭ وتانىمىز عوي. ال وتاننىڭ بولاشاعىنا كۇمانمەن قاراۋعا بولمايدى. بيلىك اۋىسادى. ال وتان ورنىندا قالا بەرەدى. جەمقورى كوپ، زاڭدارى سولقىلداق بولسا دا مەن وتانىمنىڭ بولاشاعىنا سەنەمىن.
اينۇر تولەۋ
