كەشە قىتايدىڭ شىعىسىندا شاندۋن پروۆينسياسىنداعى حيميالىق زاۋىتتا ءىرى جارىلىس بولدى. بۇل تۋرالى  «قامشى» پورتالى Tengrinews.kz-كە سىلتەمە جاساي وتىرىپ حابارلايدى. قىتايلىق "جەنمين جيباو" باسىلىمىنىڭ Twitter پاراقشاسىنداعى مالىمەتتەرگە سۇيەنسەك، وقيعا جەرگىلىكتى ۋاقىت بويىنشا 31 تامىزدا ساعات 23.25-تە بولعان. جارىلىستان قازا تاپقاندار مەن جاراقات العاندار تۋرالى ناقتى مالىمەتتەر  جوق.
ەسكە سالا كەتەيىك،وسىنىڭ الدىندا، 12 تامىزدا قىتايدىڭ سولتۇستىگىندەگى تيانسزين قالاسىنداعى Ruihai Logistics لوگيستيكالىق كومپانياسىنىڭ ءقاۋىپتى زاتتار ساقتالاتىن قويماسىندا دا ءىرى  جارىلىس بولعان ەدى. قىتايدىڭ سەيسميكالىق اگەنتتىگى ءبىرىنشى جارىلىستىڭ تروتيل ەكۆيۆالەنتىندە ءۇش توننالىق كۇشكە يە بولعانىن، ال ەكىنشىسى 21 توننا بولعانىن حابارلادى.

نۇرزات توعجان

«قامشى» سىلتەمە