قازاقستان پرەزيدەنتى نۇرسۇلتان نازاربايەۆتىڭ قحر رەسمي ءىس-ساپارى بارىسىندا مەملەكەتتىك ماڭىزى بار 11 قۇجاتقا قول قويىلعان. بۇل تۋرالى «قامشى» پورتالى total.kz-كە سىلتەمە جاساي وتىرىپ حابارلايدى.

قازاقستان پرەزيدەنتى نۇرسۇلتان نازاربايەۆ پەن قحر ءتوراعاسى سي ءسزينپيننىڭ بەيجىڭدەگى كەزدەسۋ بارىسىندا ەكى ەل اراسىنداعى ساۋدا-ەكونوميكالىق، مادەني-گۋمانيتارلى قاتىناس  ماسەلەلەرمەن قاتار، قارجى جانە نەسيە، ينۆەستيسيا تارتۋ جانە ەكىجاقتى قاتىناستار تالقىلانعان. بۇل تۋرالى مەملەكەت باسشىسىنىڭ باسپا ءسوز قىزمەتى حابارلايعان.

قازاقستان پرەزيدەنتى ءوز كەزەگىندە قحر ءتوراعاسى سي سزينپين مىرزاعا جىلى قارسى العانى ءۇشىن العىسىن ءبىلدىرىپ، ەكى مەملەكەت اراسىنداعى قارىم-قاتىناستارعا 20 جىلدان اسسا دا، ول قارقىندى دامۋدا ەكەنىن ايتقان. سونداي-اق، نۇرسۇلتان نازاربايەۆ ءتوراعا مىرزانى جانە جۇڭگو حالقىن  جاپون ميلليتاريستەرىمەن بولعان سوعىسىتاعى جەڭىسىنىڭ 70 جىلدىعىمەن جانە قىسقى «وليمپيادا 2022» ويىندارىن وتكىزۋ قۇقىعىن ۇتىپ الۋىمەن قۇتتىقتادى.

«بۇگىن ءبىز قازاقستان پرەزيدەنتى ەكەۋىمىز ەكىجاقتى كەلىسىلگەن جاڭا دەكلوراسيانى قابىلدايمىز. بۇل قۇجات ءبىزدىڭ كوپ جىلداردان بەرگى دوستىعىمىزدى نىعايتىپ، ءبىزدىڭ مەملەكەتتەر اراسىنداعى قارىم-قاتىناستاردىڭ بولاشاعىنا كەپىل بولادى»،-دەدى سي سزينپين مىرزا. ءوز كەزەگىندە جۇڭگو ءتوراعاسى دا، قازاقستاننىڭ دۇنيە جۇزىلىك ساۋدا ۇيىمىنا كىرۋىمەن قۇتتىقتاپ، ەكسپو-2017 اياسىندا كوتەرىلىپ وتىرعان «جاسىل تەحنولوگيا» ماسەلەلەرىندە دە بىرلەسىپ جۇمىستار اتقارۋعا كەلىسكەن. سونىمەن قاتار، مەملەكەت باسشىسى ەكىجاقتى قاتىناستىردى ودان ءارى ارتتىرۋ ءۇشىن اتوم ەنەرگەتيكاسى سالاسىندا دا بىرلەسۋگە ۇيعارىم جاساعان. ءتىپتى، پرەزيدەنتتەر  قازاقستان اۋماعىندا تومەن بايىتىلعان ۋران بانكىن دە اشۋدى جوسپارلاپ وتىر.

نۇرسۇلتان نازاربايەۆتىڭ قىتايعا رەسمي ءىس-ساپارى بارىسىندا تومەندەگىدەي قۇجاتتارعا قول قويىلعان:

-قحر جانە ق ر مەملەكەت باسشىلارىنىڭ ەكى جاقتى قارىم-قاتىناستىڭ جاڭا كەزەڭىنە باعىتتالعان بىرلەسكەن دەكلاراسيا؛

-قحر جانە ق ر تاراپتارىمەن راتيفيكاسيالانعان كەلىسىم (2011 جىلى 22 اقپانداعى سوتتالعان ازاماتتارعا قاتىستى)؛

-قر جانە قحر ۇكىمەت باسشىلارىنىڭ يندۋسترياليزاسيا جانە ينۆەستيسيا ماسەلەسەندەگى كەلىسىمدەر؛

- Kazakhstan Infrastructure Fund قۇرىلىسىندا اق «نۋح «بايتەرەك» جانە قىتايلىق «سيتيك گرۋپپ» كومپانياسىنىڭ بىرلەسىپ جۇمىس اتقارۋ تۋرالى قۇجات؛

- «ماسالسكيي تاۋ-كەن كومبيناتى» مەن قىتايدىڭ ەكسپورت-يمپورت بانكى اراسىنداعى كەلىسىمدەر؛

-«Eurasian Resources Group» كورپوراسياسى مەن قىتايدىڭ دامۋ بانكى اراسىنداعى كەلىسىمدەر؛

-اق «KAZNEX INVEST» ۇلتتىق اگەنتتىگى مەن  قىتايلىق «جىبەك جولى» فوندىنىڭ اراسىنداعى مەموروندۋم؛

- «استانا ەكسپو-2017» ۇك اق مەن جۇڭگو حالىقارالىق تۋريزم ورتالىعىنىڭ اراسىنداعى مەموروندۋمدار؛

ق ر جانە قحر ۇكىمەتتەرىنىڭ اراسىنداعى مادەني-گۋمانيتارلى شارالاردى وتكىزۋدەگى كەلىسىمدەر؛

- استانا LRT اق مەن قىتايدىڭ دامۋ بانكىنىڭ اراسىنداعى كەلىسىمدەر؛

- Astana LRT ج ش س مەن قحر كونسورسيۋم كومپانياسىنىڭ اراسىنداعى ەرس كەلىسىمدەر.

نۇرزات توعجان

«قامشى» سىلتەيدى