25 تامىز كۇنى اقتاۋ قالاسىنىڭ اكىمدىگىندە قالالىق ءماسليحاتتىڭ كەزەكتەن تىس 33 سەسسياسى ءوتتى.

سەسسيانىڭ كۇن ءتارتىبى بويىنشا تومەندەگى ماسەلەلەر قارالىپ، شەشىمدەر قابىلداندى:

1. قالالىق ءماسليحاتتىڭ 2014 جىلعى 23 جەلتوقسانىنداعى №26/249 «2015-2017» جىلدارعا ارنالعان قالالىق بيۋدجەت تۋرالى» شەشىمىنە وزگەرىستەر مەن تولىقتىرۋلار ەنگىزۋ.

2. قالالىق ءماسليحاتتىڭ 2013 جىلعى 12 شىلدەدەگى №12/124 «قالا اكىمدىگى جانىنداعى بيۋدجەتتىك كوميسسياسىنىڭ دەربەس قۇرامىن بەكىتۋ تۋرالى» شەشىمىنە وزگەرىستەر ەنگىزۋ تۋرالى.

3. جەر سالىعىنىڭ بازالىق مولشەرلەمەلەرىن جوعارلاتۋ تۋرالى.

4. قالاداعى ءتۇرعىن-ۇي كوممۋنالدىق شارۋاشىلىق، الەۋمەتتىك سالا جانە ەنەرگەتيكا وبەكتىلەرىنىڭ 2015-2016 جىلدارعى كۇزگى-قىسقى مەزگىلدەگى جۇمىسقا دايىندىعى تۋرالى.

5. قالالىق ءماسليحاتتىڭ 2012 جىلعى 19 شىلدەدەگى №4/46 «جينالىستار، ميتينگىلەر، شەرۋلەر، پيكەتتەر جانە دەمونستراسيالاردى وتكىزۋ ءتارتىبىن قوسىمشا رەتتەۋ تۋرالى» شەشىمىنىڭ قولدانىسىن توقتاتا تۇرۋ تۋرالى.

6. قالالىق ءماسليحاتتىڭ 2014 جىلعى 23 جەلتوقسانىنداعى №26/252 «اقتاۋ قالاسى اكىمدىگىنىڭ دەربەس قۇرامىنا كەلىسۋ تۋرالى» شەشىمىنە وزگەرىستەر ەنگىزۋ تۋرالى.

7. قالالىق ءماسليحاتتىڭ 2012 جىلعى 23 قاراشاداعى №7/74 «قالا اكىمدىگى جانىنداعى سىبايلاس جەمقورلىققا قارسى كۇرەس ماسەلەلەرى جونىندەگى ارنايى كوميسسياسىنىڭ دەربەس قۇرامىن بەكىتۋ تۋرالى» شەشىمىنە وزگەرىستەر ەنگىزۋ تۋرالى.

8. قالالىق ءماسليحاتتىڭ 2011 جىلعى 21 شىلدەدەگى №44/401 «اقتاۋ قالاسى اكىمدىگى جانىنداعى قۇقىق بۇزۋشىلىق پروفيلاكتيكاسى جونىندەگى ۆەدومستۆوارالىق كوميسسياسىنىڭ دەربەس قۇرامىن بەكىتۋ تۋرالى» شەشىمىنە وزگەرىستەر ەنگىزۋ تۋرالى.

9. قالالىق ءماسليحاتتىڭ 2014 جىلعى 15-ساۋىردەگى №19/188 «اقتاۋ قالالىق، وكرۋگتىك جانە ۋچاسكەلىك سايلاۋ كوميسسيالارىنىڭ مۇشەلەرىن سايلاۋ تۋرالى» شەشىمىنە وزگەرىستەر ەنگىزۋ تۋرالى.

10.   قالالىق ءماسليحاتتىڭ وتىز ءتورتىنشى سەسسياسىنىڭ ءتوراعاسىن سايلاۋ تۋرالى.

كۇن ءتارتىبىنىڭ ءبىرىنشى «2015-2017 جىلدارعا ارنالعان قالالىق بيۋدجەت تۋرالى» شەشىمىنە وزگەرىستەر مەن تولىقتىرۋلار ەنگىزۋ تۋرالى» ماسەلەسى بويىنشا قالالىق ەكونوميكا جانە بيۋدجەتتىك جوسپارلاۋ ءبولىمىنىڭ باسشىسى ادا كيم بايانداما جاسادى. ول ءوز بايانداماسىندا 2015 جىلعا ارنالعان قالا بيۋدجەتىنىڭ ناقتىلانعان جوباسى كىرىستەر بويىنشا – 23 518 493 مىڭ تەڭگە، شىعىستار بويىنشا – 21 391 253،3 مىڭ تەڭگە، تازا بيۋدجەتتىك كرەديتتەۋ – 7 571 280 مىڭ تەڭگە، قاردجى اكتيۆتەرىمەن وپەراسيالار بويىنشا سالدو – 72476 مىڭ تەڭگە جانە بيۋدجەت تاپشىلىعى – 5 181 040،3 مىڭ تەڭگە بولىپ انىقتالعانىن اتاپ ءوتتى.

 جەرگىلىكتى بيۋدجەتتىڭ ورىندالۋى بارىسىندا بيىلعى جىلدىڭ اياعىنا دەيىن وتكىزىلگەن كونكۋرستار جانە قارجىلاندىرۋ جوسپارىنىڭ ورىندالماۋى بويىنشا جالپى سوماسى 430 042 مىڭ تەڭگە ەكونوميا قۇرالدى. ۇنەمدەلگەن قاراجاتتى كەلەسى نەگىزگى ءىس-شارالارعا پايدالانۋ جوسپارلانۋدا:

-185 076 تەڭگە اۆتوكولىك جولدارىن جوندەۋ جۇمىستارىن جۇرگىزۋگە، (جول بويىنداعى توسەلگەن تاستارمەن قاپتالعان ەسكى بەتونداردى ديەكتاستاردى جاڭا گراننيتتى قۇرىلىمعا اۋىستىرۋ)؛

-6 999 مىڭ تەڭگە – تاكسيگە ارنالعان 4 تۇراق قۇرىلعىسىنا؛

-19 930 مىڭ تەڭگە – 14 باعدارشام وبەكتىلەرى تىرەگىن اۋىستىرۋعا؛

-172 000 مىڭ تەڭگە – «قالا جولدارى» ج ش س ارنايى تەحنيكا ساتىپ الۋعا؛

-24 500 مىڭ تەڭگە – بيىك تۇرعىن-ۇيلەرگە ارنالعان 5 ليفت ساتىپ الۋعا؛

-23 228 مىڭ تەڭگە – «اقبوتا» ساياباعىن اباتتاندىرۋ بويىنشا جۇمىستاردى جالعاستىرۋعا؛

-21 572 مىڭ تەڭگە – ءومىرزاق سەلوسىنداعى جانە «پريوزەرنىي-2» ت/م سۋ تاراتۋ جانە جىلى سۋمەن قامتاماسىز ەتۋ جۇيەسىنىڭ اعىمداعى جوندەۋدەن جۇرگىزۋگە؛

- 37 831 مىڭ تەڭگە قاتتى تۇرمىستىق قالدىقتارعا (قتق) ارنالعان كونتەينەرلەر ساتىپ الۋعا؛

-7 000 مىڭ تەڭگە – 1 ش/ا بالالار جانە سپورتتىق الاڭدارىنىڭ قۇرىلعىسىنا؛

-226 276 مىڭ تەڭگە جەرگىلىكتى ينۆەستيسيالىق جوبالاردىڭ جۇمىستارى تىزىمىنە قوسىلعان. كۇن تارتىبىندەگى ءۇشىنشى «جەر سالىعىنىڭ بازالىق مولشەرلەمەلەرىن جوعارىلاتۋ تۋرالى» ماسەلەسى بويىنشا قالالىق جەر قاتىناستار ءبولىمى باسشىسىنىڭ مىندەتىن اتقارۋشى ب. وماروۆا باياندادى. ول ءوز بايانداماسىندا ق ر 2008 جىلعى 10 جەلتوقسانداعى №99-IV «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» سالىق كودەكسىنە ەنگىزىلگەن وزگەرىستەردىڭ 2015 جىلعى 1 قاڭتاردان باستاپ كۇشىنە ەنگىزىلۋىنە بايلانىستى، جەرگىلىكتى وكىلدى ورگانداردىڭ ق ر جەر زاڭناماسىنا سايكەس پايدالانىلمايتىن اۋىل شارۋاشىلىعى ماقساتىنداعى جەرلەرگە وسى كودەكستىڭ 387-بابىندا بەلگىلەنگەن جەر سالىعىنىڭ مولشەرلەمەسىمەن جەرگىلىكتى اتقارۋشى ورگانداردىڭ ۇسىنىستارى نەگىزىندە ون ەسەدەن اسىرماي جوعارىلاتۋعا مۇمكىندىگى بار ەكەندىگىن مالىمدەدى.

ق ر ۇكىمەتىنىڭ 2007 جىلعى 22 ماۋسىمىنداعى №526 قاۋلىسىنا سايكەس، اقتاۋ قالاسى كولەمىنىڭ ازايۋىنا بايلانىستى بيۋدجەتكە جەر ۋچاسكەلەرىن ساتۋدان، باسقا سالىق جانە مىندەتتى تولەمدەردىڭ ءتۇسۋىنىڭ تومەندەۋىنە وراي، اۋىل شارۋاشىلىعى ماقساتىنداعى جەرلەردى پايدالانۋدا ىنتالاندىرۋ جانە جەرگىلىكتى بيۋدجەتكە تۇسەتىن كىرىستى ۇلعايتۋ ماقساتىندا پايدالانىلمايتىن اۋىل شارۋاشىلىعى ماقساتىنداعى بولىنگەن جەرلەرگە «جەر سالىعىنىڭ بازالىق مولشەرلەمەلەرىن جوعارىلاتۋ تۋرالى» اقتاۋ قالالىق ءماسليحاتىنىڭ شەشىم جوباسى دايىندالدى.

سەسسيا وتىرىسىنىڭ كۇن تارتىبىندە 6، 7، 8 ماسەلەلەر بويىنشا قالا اكىمىنىڭ اۋىسۋىنا بايلانىستى ە. جاڭبىرشين شىعارىلىپ، س.ترۇموۆتى ەنگىزۋ جونىندەگى جوبالارى، سونداي-اق باسقا دا ماسەلەلەر قالالىق ءماسليحات دەپۋتاتتارىمەن تالقىلانىپ، ءتيىستى شەشىمدەر قابىلداندى.

قالا اكىمى سەرىكباي ترۇموۆ سەسسيا وتىرىسىنىڭ قورىتىندىسىندا دەپۋتاتتارعا قالالىق اكىمدىك تاراپىنان الدا اتقارىلاتىن جۇمىستار تۋرالى اقپارات بەردى. 

دەرەككوزى: اقتاۋ قالاسى اكىمىنىڭ رەسمي سايتى