«قازمۇنايگاز» بارلاۋ ءوندىرۋ» («قمگ ءبو»اق) «وزەنمۇنايگاز» اق، «ەمبىمۇنايگاز» اق، «قاراجانباسمۇناي» اق، «قازگەرمۇناي» بك ج ش س جانە سەرۆيستىك «كرۋز» كومپانياسىنىڭ 58 قىزمەتكەرى قاتىسقان «قمگ ءبو» اق ەنشىلەس جانە تاۋەلدى ۇيىمدارىنىڭ اراسىنداعى 8ء-شى «ۇزدىك مامان» كاسىبي بىلىكتىلىك بايقاۋى اياقتالدى.

كونكۋرس تەوريالىق جانە پراكتيكالىق بولىكتەن تۇردى. وتكەن جىلى اتىراۋ وبلىسىندا وتكەن جارىس، وسى جولى وزەن كەنورنىندا بولدى.

جارىس 11 اتالىم بويىنشا ءجۇردى. اتاپ ايتقاندا، مۇناي جانە گاز ءوندىرۋ وپەراتورى، سكۆاجينالاردى زەرتتەۋ وپەراتورى، توكار، دانەكەرلەۋشىلەر، باقىلاۋ-ولشەۋ اسپاپتارى جانە اۆتوماتيكا سلەسارى، سكۆاجينالاردى جەراستى جابدىقتارىن جوندەۋ وپەراتورى، مۇناي جابدىقتارىن جوندەۋ سلەسارى، قابات قىسىمىن ساقتاۋ جونىندەگى وپەراتور، ەلەكترومونتەرلەر، مۇناي دايىنداۋ وپەراتورى جانە حيميالىق تالداۋ زەرتحاناشىلارىنىڭ اراسىندا ءوتتى.

جارىس قورىتىندىسى بويىنشا «وزەنمۇنايگاز» اق مۇنايشىلارى جەڭىمپاز دەپ تانىلدى.

ءار ماماندىق بويىنشا بايقاۋ جەڭىمپازدارى «ۇزدىك مامان» توسبەلگىسىمەن ماراپاتتالىپ، باعالى سىيلىقتار جانە اقشالاي سىياقى الدى. ءبىرىنشى، ەكىنشى جانە ءۇشىنشى ورىن العان قاتىسۋشىلاردىڭ جالاقىسىنا ءبىر جىل بويى تاريفتىك مولشەرلەمەنىڭ 30%، 20% جانە 10% كولەمىندە قوسىمشا اقى تولەنەدى.

دەرەككوزى: ozenmunaigas.kz