تامىلجىعان تامىز ايىندا اقتاۋ قالاسىنداعى «دارىن» قوسىمشا ءبىلىم بەرۋ ورتالىعىنىڭ «بالداۋرەن» بازاسىندا اعىمداعى جىلدىڭ 18–21 تامىز كۇندەرى وتكەن «جاستار – وتانعا» جوباسى بويىنشا ماڭعىستاۋ جاستارىنىڭ ساياسي لاگەرى ءوتتى. لاگەر ەكىنشى رەت ماڭعىستاۋ وبلىستىق جاستار ساياساتى ماسەلەلەرى باسقارماسىنىڭ تىكەلەي قولداۋىمەن وتكىزىلىپ، نەگىزگى قاتىسۋشىلارى اۋىل جاستارى مەن جۇمىسشى جاستار بولدى. شاراعا ودان باسقا دا جاستار ۇيىمدارىنىڭ جەتەكشىلەرى، قالالىق، اۋداندىق، اۋىلدىق جەرلەردەگى «جاس وتان»–نىڭ بەلسەندىلەرى، الەۋمەتتىك جەلىلەردىڭ بەلگىلى پايدالانۋشىلارى، جەرگىلىكتى ب ا ق وكىلدەرى قاتىستى. 80-گە جۋىق وبلىستىڭ ءار تۇكپىرىنەن كەلگەن جاستاردىڭ باسىن بىرىكتىرىپ، دوستىق قارىم قاتىناستى قالىپتاستىرعان لاگەردىڭ نەگىزگى ماقساتى - وبلىس كولەمىندە جاستار ساياساتىن ودان ءارى دامىتۋ، اۋىل جانە جۇمىسشى جاستارىنا بارىنشا قولداۋ كورسەتىپ، مەملەكەتتىك باعدارلامالار مەن پاتريوتتىق باعىتتاعى ءىس – ارەكەتتەرمەن اقپاراتتاندىرۋ، جاستار ورتاسىندا  تابىستى جاس قازاقستاندىقتىڭ كەيپىن  قۇرۋ، اۋىلدىق جانە جۇمىسشى جاستاردى قوعامدىق ومىرگە تارتۋ مەن قىزىعۋشىلىقتارىن ارتتىرۋ بولىپ تابىلادى.

اتالمىش لاگەردە ماڭعىستاۋ اۋدانىنان بەس بەلسەندى ءار اۋىلدىڭ ولار جىڭعىلدى، شەتپە، تۇششىبەك، ۇشتاعان جاستارى قاتىسىپ، ەرەكشە بەلسەندىلىك تانىتتى. 4 كۇن بويى ۇيىمداستىرىلعان ساياسي لاگەردە جاستار قوعام قايراتكەرى بەكبولات تلەۋحان، تانىمال الەۋمەتتىك جەلى پايدالانۋشىلارى وركەن كەنجەبەك پەن تيمۋر بەكتۇرمەن كەزدەسىپ، ساليحالى اڭگىمە، ماڭىزدى ماعىنالى اقىل كەڭەستەر ايتىلدى. اسەرلى كەزدەسۋ جوعارى دەڭگەيدە ءوتتى. جاستار كوكەيىندەگى ماسەلەلەرىن ايتىپ، سالماقتى جاۋاپتارىن الدى. ماڭعىستاۋلىقتاردىڭ اتىنان سىيلىقتار دا بەرىلدى. بەكبولات تىلەۋحان ءسوز سوڭىندا ماڭعىستاۋ جۇرتشىلىعىنا، جاستارعا العىسىن ءبىلدىرىپ، سالەمىن جولدادى.جاستار سپورتتىق ويىندار مەن كوڭىلدى بي كەشتەرىن وتكىزدى. بۇل جاستارعا ءتۇرلى وي سالاتىن، پسيحولوگيالىق دامىتۋ اسەرى بار لاگەر بولدى.

دەرەككوزى: www.audan.mangystau.gov.kz