مۇسان مىرزابەك اتتى قىتايدان قازاق ەلىنە ورالعان قانداسىمىزدىڭ جاعدايى ءماز ەمەس. اقجار اۋىلدىق كوشى-قون كوميتەتى قانداسىمىزدى سوتقا بەرەتىنىن ەسكەرتكەن.

مىرزابەك قيىردان قازاقستانعا 2013 جىلدىڭ ءساۋىر ايىندا كوشىپ كەلگەن.  قانداسىمىز شىرىلداپ، ساۋعالار قانات تاپپاي ءبىزدىڭ رەداكسيامىزعا حابارلاستى.

ول 2013 جىلى 9 جاسار بالاسىمەن  قازاقستاننىڭ تارباعاتاي اۋدانى جەتىارال اۋىلىنا كوشىپ كەلىپتى. اتامەكەنىنە تۇراقتاپ قالۋدى كوزدەگەن وتباسىنىڭ  2014 جىلدىڭ ءساۋىر ايىندا نۇرشۋاق اتتى بالاسى ومىرگە  كەلگەن. اتالعان  جىلدىڭ شىلدە ايىندا جولداسى ايتقازى جانارگۇلدىڭ ۆيزا مەرزىمى اياقتالعان بولاتىن.  2015  جىلدىڭ شىلدە ايىندا ءوزىنىڭ تىركەۋىنىڭ ۋاقىتى بىتكەن. ەندى اقجار اۋىلدىق كوشى-قون كوميتەتىنە بارىپ، ازاماتتىق الۋ تۋرالى ءوتىنىش بەرگەن ولاردان كوميەتەت مۇشەلەرى  تىركەۋ ۋاقىتىنىڭ بىتكەندىگىن، قىتايعا تاعى ءبىر مارتە بارىپ ۆيزاسىنىڭ ۋاقىتىن ۇزارتۋىن تالاپ ەتكەن. ءبىراق ول قىتايعا باراتىن قاراجاتىنىڭ جوقتىعىن ايتقان.

ەندىگى جەردە كوميتەت مۇشەلەرى كۇزگە دەيىن كۇتەتىنىن ەسكەرتكەن، ەگەر تالاپتارىن ورىنداماسا سوتقا بەرمەككە ۇمتىلىپ وتىر.

اتامەكەنىنە ورالعان ورالمان اعايىنداردى وسى تيپتەس  جاعدايلار ساعىن سىندىرىپ، تۇرلاۋسىز تالاپتاردىڭ تۇتقىنا اينالدىرىپ ءبىتتى. "كوشى-قون"  ساياساتىنىڭ ساياسىنا تەلمىرگەن ورالمانداردى  قاڭعىتۋعا دەيىن قالدىرعان كەرجاق كوميتەت ەندى قاۋقارسىز قانداسىمىزدى سوتقا سالىپ، قىلمىستىق ءىس قوزعاۋعا دەيىن بارۋى -ابەستىك. نە ءبارى قىتايدان ەلگە ورالعانىنا 2 جىل تولعان اعايىننىڭ زاڭ تالاپتارىنان قاۋقارسىز بولۋى عاجاپ ەمەس. ەلدى اڭساپ جەتكەن قازاقتارعا الدىمەن ءتۇسىندىرۋ ارەكەتتەرى جۇزەگە اسۋى ءتيىس. ءبىز نەگە ءوز وتانىنا تالپىنعان قازاقتاردى قابىلداۋعا قاۋقارسىزبىز؟ قازاقتى قازاقيادان الشاقتاتۋ كىمگە كەرەك بولىپ وتىر؟ جيىرماسىنشى عاسىردىڭ وتىزىنشى جىلدارى وسى توپىراقتىڭ ءتول پەرزەنتتەرىن ءوز جەرىنەن الشاقتاتۋ ءۇشىن ارنايى اشتىق ساياساتى جۇرگىزىلگەن ەدى. ەندى وسى توپىراقتىڭ ءتول مۇراگەرلەرى نەگە ءوز جەرىندە وگەيدىڭ كۇيىن كەشىپ جاتىر؟ بۇل بويىندا قازاقى قانى تۋلاعان ءار ازاماتتى ويلاندىرار ساۋال بولۋعا ءتيىستى.

گۇلدەن ءابدىباقىت