2023 جىلدىڭ باسىنان بەرى ۇقك تەرروريستىك سيپاتتاعى قىلمىس جاسادى دەگەن كۇدىكپەن ەلىمىزدىڭ 31 تۇرعىنىن ۇستاعان. سوت ورگاندارى وسى ۋاقىت ارالىعىندا ءدال وسىنداي فاكتىمەن تاعى 10 ادامدى ءتۇرلى مەرزىمگە تەمىر تورعا جاپقان.
اتىراۋ وبلىسىنىڭ تۇرعىنى تەرروريزمدى ناسيحاتتاعانى ءۇشىن 5 جىلعا سوتتالسا، شىمكەنت قالاسىنىڭ ەكى تۇرعىنى 7 جىلعا باس بوستاندىعىنان ايىرىلعان.
"ولار حالىقارالىق تەرروريستىك ۇيىمدار ۋاعىزشىلارىنىڭ ىقپالىنا تۇسكەن. تەرگەۋ بارىسىندا الەۋمەتتىك جەلى ارقىلى تەرروريزم يدەولوگياسىن ناسيحاتتاعاندارى انىقتالدى. سونىمەن قاتار، تەرروريستىك ارەكەت ءجۇرىپ جاتقان ايماقتارعا بارۋ ءۇشىن شەتەلدىك سودىرلارمەن بايلانىسقا شىقپاق بولعان"، – دەپ حابارلادى ۇقك.
ايىپتالۋشىلاردىڭ كىناسى كۋاگەرلەرمەن، زاتتاي دەرەكتەرمەن جانە باسقا دا ماتەريالدارمەن تولىق دالەلدەنگەن.
پىكىر قالدىرۋ