جەلىدە مەملەكەتتىك ساتىپ الۋ كەزىندە تاپسىرىس بەرۋشى مەن ءونىم بەرۋشى اراسىنداعى ىقتيمال ءسوز بايلاسۋ تۋرالى اقپارات تارادى، دەپ حابارلايدى Qamshy.kz.

"سىزدەردىڭ كوپتەگەن سۇراۋلارىڭىزعا بايلانىستى جەمقورلىققا قارسى ۆولونتەردىڭ مەملەكەتتىك ساتىپ الۋ پورتالىن مونيتورينگىلەۋ بارىسىندا شقو اۋىل شارۋاشىلىعى باسقارماسىنىڭ "سامار-ۆەت" شجق كمك تاپسىرىس بەرۋشىسى مەن قىزمەت كورسەتۋشى اراسىندا ىقتيمال ءسوز بايلاسۋ فاكتىسىن انىقتاعانىن حابارلايمىز. اتالعان اقپارات جۇمىسقا الىندى. شىعىس قازاقستان وبلىسى بويىنشا سىبايلاس جەمقورلىققا قارسى قىزمەتىنىڭ ۇسىنىسى بويىنشا كونكۋرس توقتاتىلدى"، دەلىنگەن انتيكور حابارلاماسىندا.

سونىمەن قاتار، بۇل دەرەك شقو بويىنشا سجقق ەسەپكە الۋ كىتابىنا تىركەلدى، ق ر قپك-نىڭ 181-بابى 5-بولىگى تارتىبىندە ايماق اكىمىنىڭ اپپاراتىنا جانە ىشكى مەملەكەتتىك اۋديت دەپارتامەنتىنە جولدانعانى دا ناقتىلانادى.

"...لوت ءنومىرىن كورگەن كەزدە بىردەن ماعان حابارلاساسىز. مەن مىنا جاقتان ءوز ادامدارىمدى سالامىن. سودان سوڭ پورتالعا شىعاسىز، سول كەزدە مەنىڭ ادامدارىن ءسىزدى «ۇستاپ الۋى» كەرەك. ەگەر وسى ايتقانىمدى اينا-قاتەسەسىز جاساساڭىز، تەندەردى ۇتامىز"، دەلىنگەن ورىس تىلىندەگى قۇپيا نۇسقاۋلىقتا.

ايتا كەتسەك، US News 2023 سىبايلاس جەمقورلىق از ەلدەر رەيتينگىسىندە قازاقستان 87 ەلدى قامتيتىن ءتىزىمنىڭ سوڭعى جاعىندا — 75-ورىندا تۇر.