ەل اراسىندا الەۋمەتتىك جەلىنى قولدانۋ دەڭگەيىنىڭ ارتۋىنا بايلانىستى نەبىر جاڭا قۇبىلىستار پايدا بولۋدا. ادامداردىڭ ءوزىن-وزى سۋرەتكە ءتۇسىرىپ، جەلىگە سالاتىن «سەلفي» داستۇرىنە قاتىستى حالىق اراسىندا نەشە الۋان پىكىر بار. بىرەۋلەر «بۇدا تۇرعان ەشتەڭە جوق» دەپ قولداۋ تانىتسا، ەندى ءبىر كىسىلەر «ءوءزىن-وزى شەكسىز جاقسى كورۋدىڭ، نارسيسسيزم بەلگىسى» دەپ ايىپتاۋدا.

سەلفيدىڭ توڭىرەگىندە ءبىرجاقتى پىكىرگە كەلە الماي جۇرگەندە، الەۋمەتتىك جەلى قولدانۋشىلارى اراسىندا «بەلفي» دەگەن تاعى ءبىر قىلىق شىعىپ، قىزۋ تالقىعا تۇسۋدە. جوعارىدا ايتىلعان سەلفيگە قاتىستى ەكى جاقتى پىكىر بولسا، بۇل بەلفيدى ايىپتاۋشىلار كوپ. الايدا، وسى قۇبىلىستى الەۋمەتتىك جەلىدەگى وزىنشە ءبىر داستۇرگە اينالدىرىپ جاتقاندار دا جەتىپ ارتىلادى.

سونىمەن، «بەلفي» دەگەن نە؟ «بەلفي» اعىلشىن تىلىندەگى butt (بوكسە) جانە selfie (اۋدارمانى قاجەت ەتپەيتىن ءسوز) دەگەن ەكى ءسوزدىڭ قوسىلۋىنان تۋعان ۇعىم. ياعني، ءوز بوكسەسىن سۋرەتكە ءتۇسىرۋ. بەلفيگە جۇگىنەتىندەردىڭ كوبى بۇلتىڭداعان بوكسەسىن جارنامالاۋعا قۇمار جاندار. ءوز اتىمەن ايتقاندا – قىزدار.

سونداي-اق، عالامتوردا جۇمساق دەنە مۇشەسىنىڭ بارلىق سۋرەتتەرىن دە وسى اتاۋمەن اتاپ جۇرگەندەر بار.

ياعني، ونسىز دا كۇن ساناپ جۇتاڭ تارتىپ بارا جاتقان ار، ابىروي، يبا مەن ۇيات دەگەن ادامي قۇندىلىقتار وسى «بەلفيدىڭ» كەسىرىنەن كەلمەسكە كەتەتىن ءتۇرى بار. ينستاگرامم جەلىسىندە سەلفي ءداستۇرىن ناسيحاتتاۋعا وتاندىق ونەر جۇلدىزدارى مەن باسقا دا تانىمال تۇلعالار ايتارلىقتاي ۇلەس قوستى. ۇلكەن-ۇلكەن كونسەرتتەردەن باستاپ، توي-تومالاق، ءار الۋان باس قوسۋلارداعى سۋرەتتەرىن جاريالاۋ قازاقستاندىق جۇلدىزدار ءۇشىن ۇيرەنشىكتى جاعدايعا اينالدى. ەندىگى كەزەك بەلفيگە كەلىپ جۇرمەسىن دەپ تىلەيىك.