پارتيانىڭ جاڭا باسپا ءسوز ورتالىعىنىڭ اشىلۋىندا جۋرناليستەردىڭ ساۋالىنا جاۋاپ بەرە كەلە پارتيا ءتوراعاسى ءبىرىنشى ورىنباسارىنىڭ كەڭەسشىسى بەرىك ءۋالي جوعارىدا اتالعان ماسەلەگە قاتىستى پارتيا جانىنداعى «ميراس» قوعامدىق كەڭەسى تاراپىنان وڭىرلەرگە ۇسىنىم-حات جولدانۋى قاراستىرىلعانىن مالىمدەدى.

«ەڭ قاستەرلى مەرەكەمىز – تاۋەلسىزدىك كۇنى مەرەكەسى اتالىپ وتەتىن 16 جەلتوقسان وتكەنشە جاڭا جىلعا دايىندىقتى باستاماۋ ماسەلەسى قوعامدا تالاي جىلدان بەرى تالقىلانىپ كەلەدى. سوڭعى بىرنەشە جىلدا وڭتۇستىك قازاقستان وبلىسى وسىنداي باستاما كوتەرىپ، ول باسقا وڭىرلەردە دە قولداۋ تاپتى. وسى ورايدا ءبىز بۇل ماسەلەگە «ميراس» قوعامدىق كەڭەسى ارقىلى ىقپال ەتۋدى ءجون كورىپ وتىرمىز. كەڭەسكە ەلىمىزگە تانىمال زيالى قاۋىم وكىلدەرى مۇشە ەكەنىن بىلەسىزدەر. بۇگىندە «ميراس» قوعامدىق كەڭەسىنىڭ اتىنان كەڭەس مۇشەلەرىنىڭ قولى قويىلعان حات ازىرلەنۋدە. الداعى ۋاقىتتا ونى وڭىرلەردىڭ ىشكى ساياسات باسقارمالارىنا جولداۋدى قاراستىرىپ جاتىرمىز»، - دەدى ب. ءۋالي.

ەستەرىڭىزگە سالا كەتەيىك، بۇگىن، 6 قاراشا كۇنى «نۇر وتان» پارتياسىنىڭ ورتالىق اپپاراتىندا باسپا ءسوز ورتالىعى اشىلدى.

ورتالىقتاعى العاشقى بريفينگتە پارتيا ءتوراعاسى ءبىرىنشى ورىنباسارىنىڭ كەڭەسشىسى بەرىك ءۋالي مەن پارتيا ورتالىق اپپاراتىنىڭ باسشىسى جانات قوجاحمەتوۆ ءسوز الىپ، سوڭعى ەكى ايدا پارتيادا اتقارىلعان جۇمىستار جايلى حابارلادى.

بەكىتىلگەن كەستەگە سايكەس مۇندا اپتا سايىن بريفينگتەر وتكىزىلىپ، ورتالىق اپپاراتتىڭ دەپارتامەنت باسشىلارى، فراكسيا دەپۋتاتتارى، فيليال ءتوراعالارىنىڭ ءبىرىنشى ورىنباسارلارى، ءماسليحات حاتشىلارى، باستاۋىش پارتيا ۇيىمدارىنىڭ وكىلدەرى اتقارىلىپ جاتقان جۇمىستار جونىندە ەسەپ بەرەتىن بولادى. 

ەستەرىڭىزگە سالساق، تاۋەلسىزدىك كۇنى قارساڭىندا ەل اۋماعىندا جاڭا جىل مەرەكەسىنە قىزۋ دايىندىق باستالىپ كەتەتىنى، سونىڭ سالدارىنان ەلىمىزدىڭ باس مەرەكەسى تاسادا قالاتىنى تۋرالى ماقالا «قامشى» پورتالىندا  جاريالانعان بولاتىن.  ماقالا اۆتورى وندا كوپشىلىككە «نۇر وتان» باسشىلىعىنا بارعان ا. مىرزاحمەتوۆ مىرزا تاۋەلسىزدىك كۇنىنە دەيىن ەل اۋماعىندا شىرشا تىگۋدى توقتاتا الا ما؟» دەگەن ساۋال تاستاعان ەدى.