وتكەن اپتاداعى ق ر ستاتيستيكا كوميتەتى باسپا ءسوز قىزمەتىنىڭ حابارلاۋىنا قاراعاندا قازاقستاندا ازىق-تۇلىكتىڭ باعاسى بىلتىرعى جىلدىڭ قازان ايىمەن سالىستىرعاندا 8% - عا وسكەن.

اتاپ ايتار بولساق جارما 24،8%، قانت — 17،2%، بالىق جانە تەڭىز ونىمدەرى — 13،4%، جەمىس جانە كوكونىستەر —13،3%، سۇيىق ماي، كوفە، شاي جانە كاكاو — 12،2% - عا وسكەن. سونداي-اق سپيرتتىك ىشىمدىكتەر 11،4% - عا، نان-توقاش جانە ۇن ونىمدەرىنىنىڭ باعاسى - 10،9%-عا، كونديتەرلىك ونىمدەر - 10% -عا، نان - 9،7% -عا، ماكارون ونىمدەرى - 6،2% -عا، ءسۇت ونىمدەرى - 5،4% -عا، ۇن - 4،7% -عا وسكەن. سونىمەن بىرگە، ەت جانە ەت ونىمدەرى 1،7%-عا وسكەن. شۇجىق ونىمدەرىنىڭ باعاسى 7،1%، سير ەتى —1،3%، جىلقى ەتى —0،7%، ال قۇس ەتى —5،5%، قوي ەتى— 0،5% عا تومەندەگەن.

الايدا agroalem.kz سايتىنىڭ 2 قاراشاعى  «تاۋار بيرجاسى ەسج» اق  حابارلاعان ءداندى داقىلدار باعاسىنا نازار سالساق. بيدايدىڭ باعاسى وتكەن جىلىدىڭ وسى ۋاقىتىمەن سالىستىرعاندا نەگىزىنەن وزگەرمەگەن، مىسالعا 3 كل EXW بيدايدىڭ ءبىر تونناسى 40000 تەڭگەنىڭ اينالاسىندا ساتىلعان. ال الماتى وبلىسىنىڭ ەگىنشىلەرىنەن تىلدەسكەنىمىزدە وسى وڭىردە كوپ ەگىلەتىن سويا بۇرشاقتى وتكەن جىلمەن بىردەي تونناسىن 75000 تەڭگە كولەمىندە وتكىزىپ جاتىر ەكەن. ال وڭتۇستىكتە ماقتانىڭ كليوگرامى  100 تەڭگەندەن ارتىق ساۋدالانىپ جاتىر « بۇل ءوز كەزەگىندە بىلتىرعىدان 40 تەڭگەگە قىمبات بولعانىمەن كىرىسىمىز وتكەن جىلمەن بىردەي بولىپ تۇر» - دەيدى ءبىز حابارالاسقان ماقتارال اۋدانىنىڭ ماقتاشىلارى. بۇعان سەبەپ بيلىعى جاڭىر ماۋسىمىنىڭ ۇزاققا سوزىلۋى ەكەن. سوندىقتان ماقتىنىڭ ساپاسى مەن تۇسىمى تومەن،  جىلدا 2-3 رەت تەرىلەتىن ماقتا بيىل ءبىر رەت قانا تەرىلگەن. ال ءتىرى مال بازارىندا جىلقىنىڭ باعاسى نەگىزىنەن باعا تۇراقتى، سير مەن قويلاردىڭ باعاسى بىلتىرعىمەن سالىستىرعاندا 30% - عا تومەن ەكەن، مىسالعا وتكەن اپتادا الماتى وبىلىسى كوكسۋ بازارىندا توقتىلار 12000-15000 تەڭگە ارالىعىندا، قۇناجىندار 100000 تەڭگەنىڭ اينالاسىندا  ساۋدالانعان.

جانار-جاعارماي مەن كۇندەلىكتى تۇتىنۋ زاتتارىنىڭ باعاسىنىڭ وسكەنىن ەسكەرسەك، قازاقستان حالقىنىڭ 40% - دان استامى تۇراتىن اۋىلدىڭ نەگىزگى كۇن كورىسى بولعان مال مەن ەگىن بيىل پايدادان گورى شىعىنا اكەلىپ وتىر. ال اۋىلدىقتار وزدەرى دايارلايتىن شيكىزاتتىڭ قىمباتتاماي، ودان شىققان ونىمدەرىدىڭ قىمباتتاعانىنا تاڭدانىستارىن جاسىرمايدى. اسىرەسە وتاندىق ونىمدەردىڭ قىمباتتاۋى ەركىن نارىق پا، الدە كاسىپكەرلەردىڭ تەڭگەنىڭ قۇنسىزدانۋىن سىلتاۋراتىپ قولدان جاساپ وتىرعان  قىمباتشىلىق پا؟

 الىبەك ىدىرىس