قاراعاندىدا قر-ى قارجى مينيسترلىگى رەسپۋبليكالىق كوشپەلى كوميسسياسىنىڭ ءتوراعاسى، جامبىل وبلىسى بويىنشا قارجىلىق باقىلاۋ ينسپەكسياسىنىڭ باسشىسى قانات تورەقوجايەۆ 4،6 ميلليون تەڭگە پارا العانى ءۇشىن قاماۋعا الىندى. بۇل تۋرالى «قامشى» پورتالى مەملەكەتتىك قىزمەت ىستەرى جانە جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتىنە سىلتەمە جاساي وتىرىپ حابارلايدى.
قاراعاندىلىق جەمقورلىققا قارسى قىزمەت وكىلدەرى 7 قاراشا كۇنى قر-ى قارجى مينيسترلىگى رەسپۋبليكالىق كوشپەلى كوميسسياسىنىڭ ءتوراعاسى، جامبىل وبلىسى بويىنشا قارجىلىق باقىلاۋ ينسپەكسياسىنىڭ باسشىسى قانات تورەقوجايەۆقا قارسى قىلمىستىق ءىس قوزعاعان.
«تەكسەرىس كەزىندە ونىڭ قاراعاندى وبلىستىق دەنەشىنىقتىرۋ جانە سپورت باسقارماسىنىڭ باس بۋحگالتەرىنەن بيۋدجەت قاراجاتىنىڭ جۇمسالۋى جانە مەملەكەتتىك ساتىپ الۋلاردى تەكسەرۋ ناتيجەسى بويىنشا ماسەلەلەردى «وڭتايلى» شەشىپ بەرۋى ءۇشىن 4،6 ميلليون تەڭگە پارا العانى انىقتالدى» دەلىنگەن اگەنتتىك تاراتقان حابارلامادا.
ءقازىر كۇدىكتى ۋاقىتشا تەرگەۋ يزولياتورىنا جابىلعان.
