استانا. 11 قاراشا. ەلورداداعى مەملەكەتتىك قىزمەت سالاسىنداعى وڭىرلىك حاب، ەكونوميكالىق ىنتىماقتاستىق جانە دامۋ ۇيىمى (ەىدۇ)، سونداي-اق ەلىمىزدىڭ ۇلتتىق ەكونوميكا مينيسترلىگى بىرلەسە وتىرىپ، نازاربايەۆ ۋنيۆەرسيتەتتىڭ جوعارى مەملەكەتتىك ساياسات مەكتەبى جانە بۇۇ دامۋ باعدارلاماسىنىڭ قولداۋىمەن «مەملەكەتتىك قىزمەتتىڭ دەربەستىگى» تاقىرىبىندا سەمينار وتكىزدى. بۇل تۋرالى egemen.kz ءتىلشىسى حابارلادى.
بەس ينستيتۋسيونالدى رەفورمانى ىسكە اسىرۋعا باعىتتالعان 100 ناقتى قادام ۇلت جوسپارىن، اتاپ ايتقاندا، زاماناۋي، كاسىبي جانە اۆتونومدى مەملەكەتتىك اپپاراتتى قالىپتاستىرۋدى ىسكە اسىرۋ جانە ەلباسىنىڭ قازاقستاندا بارلىق سالادا ەىدۇ قاعيدالارى مەن ستاندارتتارىن ەنگىزۋ تۋرالى تاپسىرماسى اياسىندا وتكىزىلگەن سەمينارعا ەلىمىزدىڭ مەملەكەتتىك ورگاندارىنىڭ جاۋاپتى حاتشىلارى مەن وبلىس اكىمدىكتەرىنىڭ اپپارات باسشىلارى قاتىستى.
سەميناردىڭ ماقساتى – اۆتونومدى مەملەكەتتىك اپپاراتتى قالىپتاستىرۋ بويىنشا ەىدۇ ەلدەرىنىڭ، ناقتىراق ايتقاندا، ساياسي جانە اكىمشىلىك مەملەكەتتىك قىزمەتشىلەر اراسىندا ۋاكىلەتتىلىكتەردى اجىراتۋ تاجىريبەسىن زەردەلەۋ، سونداي-اق اۆتونومدى اكىمشىلىك مەملەكەتتىك اپپاراتتى قالىپتاستىرۋ بويىنشا ەىدۇ-عا مۇشە ەلدەر مەن قازاقستاننىڭ وسى سالاداعى تاجىريبەسىن تالقىلاۋ.
سەميناردى اشا وتىرىپ، استاناداعى مەملەكەتتىك قىزمەت سالاسىنداعى وڭىرلىك حاب باسقارۋشى كوميتەتىنىڭ ءتوراعاسى اليحان بايمەنوۆ، بۇۇ دامۋ باعدارلاماسىنىڭ قازاقستانداعى تۇراقتى وكىلىنىڭ ورىنباسارى مۋنحتۋيا التانگەرەل، ەىدۇ مەملەكەتتىك سەكتوردى رەفورمالاۋ باسقارماسىنىڭ باسشىسى ەدۆين لاۋ جانە نازاربايەۆ ۋنيۆەرسيتتىڭ پرەزيدەنتى شيگوە كاتسۋ سەمينار تاقىرىبىنىڭ ماڭىزدىلىعى مەن وزەكتىلىگىن اتاپ ءوتتى.
ەكونوميكالىق ىنتىماقتاستىق جانە دامۋ ۇيىمىنا مۇشە ەلدەردەن سپيكەرلەر رەتىندە مەملەكەتتىك قىزمەتتى رەفورمالاۋدا اسا تاجىريبەلى ساراپشىلار ءسوز سويلەدى. اتاپ ايتقاندا، كانادا باسقارۋ ينستيتۋتىنىڭ پرەزيدەنتى، 20 جىلدان استام تاجىريبەسى بار جوعارى مەملەكەتتىك قىزمەتشى ماريانتونەتت فليۋمەن كانادانىڭ مەملەكەتتىك اپپارات الەۋەتىن جوعارىلاتۋ، ساياسي جانە جوعارى اكىمشىلىك كورپۋسى اراسىنداعى ۋاكىلەتتىلىكتەردى اجىراتۋ تۋرالى تاجىريبەسىمەن ءبولىستى.
سونىمەن قاتار، نيدەرلاندى جوعارى مەملەكەتتىك قىزمەتىنىڭ بۇرىنعى باس ديرەكتورى يان ۆيللەم ۆەك ءوز ەلىندەگى جوعارى مەملەكەتتىك قىزمەتىنىڭ جەتىستىكتەرى مەن ماسەلەلەرى جايىندا ءوز ويىن ورتاعا سالدى. ال ءچيليدىڭ جوعارى اكىمشىلىك مەملەكەتتىك قىزمەتىنىڭ تەحنيكالىق حاتشىسى، چيلي سەناتى زاڭ شىعارۋشى كەڭەسىنىڭ بۇرىنعى مۇشەسى ماريانا دجورجد-ناسيمەنتو ەلىندەگى باسقارۋشى مەملەكەتتىك كورپۋستى قالىپتاستىرۋ ءۇردىسى جانە مەملەكەتتىك قىزمەت جۇيەسىندەگى ساياسي-اكىمشىلىك تەپە-تەڭدىكتى قامتاماسىز ەتۋ تاجىريبەسى تۋرالى پرەزەنتاسيا جاسادى.
ەىدۇ مەملەكەتتىك سەكتوردى رەفورمالاۋ باسقارماسىنىڭ باسشىسى ەدۆين لاۋ، سونداي-اق ەىدۇ جوبا مەنەدجەرى دانيەل گەرسون دەربەس مەملەكەتتىك اپپاراتتى قۇرۋداعى ەىدۇ ەلدەرىنىڭ تاجىريبەلەرىمەن ءبولىستى.

دەرەككوز: ەگەمەن قازاقستان