پرەزيدەنت نۇرسۇلتان نازاربايەۆ ۇسىنعان بەس ينستيتۋتتىق رەفورمانىڭ جۇزەگە اسۋىنا نەگىز بولاتىن 55 زاڭدى ءماجىلىس وتە قىسقا ۋاقىت ىشىندە تۇبەگەيلى قاراپ، دايىنداپ ۇلگەردى. ءقاۋىپتى سىناقتار مەن جاھاندىق تۇراقسىزدىق كەزەڭىندە داعدارىستىق جاعدايدان امان شىعۋدىڭ جوسپارى بۇگىندە زاماناۋي جانە وزەكتى بولىپ تابىلادى. وسى ورايدا، پرەزيدەنت ۇسىنعان مەملەكەتتىڭ دامۋ ستراتەگيالارى الەم بويىنشا سىندارلى مانگە يە بولۋدا. سونىڭ ىشىندە «قازاقستان-2050» ستراتەگياسى – الەمدە دامىعان 30 ەلدىڭ قاتارىنا قوسىلۋدى ماقسات ەتىپ قويعان ەلىمىزدىڭ جاڭا ساياسي باعىتى. سونىمەن قاتار، مەملەكەتتىلىك پەن ەكونوميكانىڭ دامۋىن جانە ونىڭ الەمدىك نارىققا شىعۋىن كوزدەيتىن جوبالاردىڭ ءبىرى – ەلباسىمىز ۇسىنعان «ۇلت جوسپارى – 100 ناقتى قادام» باعدارلاماسى بولىپ تابىلادى. وسىنداي اۋقىمدى ماقساتتاردى ىسكە اسىرۋ، ەڭ الدىمەن ماڭىزى زور زاڭداردى قابىلداۋ ارقىلى جۇزەگە اساتىن جاڭارۋلاردى تالاپ ەتەدى. بۇل ورايدا جاۋاپكەرشىلىك پارلامەنتكە جۇكتەلدى. سەبەبى، زاڭداردىڭ كوپ بولىگى 2016 جىلدىڭ قاڭتار ايىندا كۇشىنە ەنۋى ءتيىس.
اتاپ ايتاتىن جايت، دەپۋتاتتىق كورپۋس وزىنە جۇكتەلگەن مىندەتتى كاسىبي، ساپالى جانە تىڭ سەرپىلىسپەن اتقاردى. ولاردىڭ پرەزيدەنت ۇسىنعان باعدارلامانى زاڭدىلىق تۇرعىدان قامتاماسىز ەتۋ ءۇشىن العا قويعان ماقساتتارعا جەتۋدە قانشالىقتى كۇش-جىگەر جۇمساعانى باسقالارعا قاراعاندا بىزگە – زاڭگەرلەرگە تۇسىنىكتى. پارلامەنت ءماجىلىسىنىڭ، ونىڭ ۇستىنە ەۋرازيا ۇلتتىق ۋنيۆەرسيتەتىنىڭ كوپتەگەن عالىمدارى زاڭ جوبالارىن ازىرلەيتىن توپتاردىڭ قۇرامىندا بىرگە جۇمىس اتقاردى. زاڭ شىعارماشىلىق قىزمەتى ينەمەن قۇدىق قازعانداي، سەبەبى بۇل، ەڭ الدىمەن، بىلىمدىلىكتى، جاۋاپكەرشىلىكتى، ازاماتتىق پوزيسيانى قاجەت ەتەتىن اۋىر ەڭبەك. وسى ۋاقىت ىشىندە جۇمىسشى توپتىڭ 500 وتىرىسى ۇيىمداستىرىلىپ، 11 مىڭ ناقتى زاڭ جوبالارى بويىنشا ماماندار شاقىرىلىپ كونسۋلتاسيالار وتكىزىلدى. سونىڭ ىشىندە جارتىسى قابىلداندى. اتاپ ايتاتىن جايت، ءماجىلىس دەپۋتاتتارى قاراستىرعان زاڭ جوبالارى قوعامدىق ءومىردىڭ بارلىق سالالارىن قامتىدى. تاعى ءبىر ەرەكشە اتاپ وتەتىن ماسەلە، جۇمىس كەزىندە باستى نازار قوعامنىڭ دەموكراتيالانۋىنا جانە ونىڭ مەملەكەتكە دەگەن كوزقاراسىنا وڭ ىقپال ەتەتىن ازاماتتىق قوعام ينستيتۋتتارىنا ءبولىندى.
رەفورمالاردىڭ جەتىستىگى، كوپ جاعدايدا، مەملەكەتتىك اپپاراتتىڭ كاسىبي قىزمەتىنە بايلانىستى. دەمەك، پارلامەنت ءماجىلىسىنىڭ زاڭدى تالقىلاۋىنان وتكەن بارلىق 55 زاڭ جوبالارى ارقىلى پرەزيدەنت ن.نازاربايەۆ باعدارلامارىنىڭ قۇقىقتىق قامتاماسىز ەتىلۋى قازاقستاننىڭ وركەندەۋىن جانە ماڭگىلىك ەل ۇلى قۇندىلىقتارىن قالىپتاستىرۋدى جۇزەگە اسىرادى.
ساۋلە اماندىقوۆا،
ل.ن.گۋميليەۆ اتىنداعى ەۋرازيا ۇلتتىق
ۋنيۆەرسيتەتى زاڭ فاكۋلتەتىنىڭ دەكانى.
استانا.

دەرەككوز: ەگەمەن قازاقستان