الماتىداعى قانىش ءسات­بايەۆ اتىنداعى قازاق ۇلتتىق تەح­نيكالىق زەرتتەۋ ۋنيۆەرسيتەتى جۋىردا «ەكسپو–2017: ۋنيۆەرسيتەت جاس عالىمدارىنىڭ ۇلەسى» اتتى دوڭگەلەك ۇستەل وتكىزىپ، بو­لا­شاقتىڭ ايتۋلى وقيعاسىنا بەلسەنە ارالاساتىندىقتارىن ءبىلدىردى.
كورمەگە ايرىقشا ۇلەس قو­سۋدى ماقسات تۇتىپ وتىرعان ۋني­ۆەرسيتەت ماگيسترانتتارى مەن جاس عالىمدارى وسى جيىندا وزدەرىنىڭ «جاسىل» ەكونوميكا، بالامالى ەنەرگيا كوزدەرىن دامىتۋ مەن روبوتوتەحنيكا، عارىش سالالارىنداعى يننوۆاسيالىق شەشىمدەرگە ارنالعان عىلىمي زەرتتەۋلەرىن ۇسىنا الدى.
جيىندا ەكسپو-2017 جۇ­مىسىنا دايىندىق كەزىندە ىسكە اسىرىلاتىن جوبالار تۋ­­­­رالى ايتىلىپ، سول جوبا­لار­دىڭ ءبىرى «Online EXPO-2017» حالىقارالىق بايقاۋىنا ۇسى­نىلدى. ىرىكتەۋ قورىتىندىسى بويىنشا 2015، 2016، 2017 جىلدارى «بولاشاق ەنەرگياسى» فو­رۋمى شەڭبەرىندە شاعىن كورمە وتكىزىلەتىن بولادى. ەكىنشى جوبا – جوسپارلانعان جانە ۇسىنىلعان ءىس-شارالاردا جوبا تاقىرىپتارى كەڭىنەن تالقىلاناتىن «G-Global–EXPO» ونلاين فورۋمى.
– بۇل كورمە بىزگە ەرتەڭ بولاتىن ۇلكەن سىن، ۇلكەن ابىروي. ءبىز ۇجىمنىڭ بىلىكتى ماماندارىمەن بولاشاق ەنەرگياسىن جاسادىق. ۋنيۆەرسيتەتىمىزدە عىلىمي-تەحنيكالىق باعدارلامالار ءجۇ­زەگە اسىرىلۋدا، وسى باعدار­لامالاردىڭ ىسكە اسۋىنا ۇلەس قو­سىڭىزدار، جاس عالىمدار. ەكسپو كورمەسىنە لايىقتى جوبالاردى ۇسىنۋىمىز قاجەت. حالىقارالىق تاجىريبە بو­يىنشا ەكسپو كورمەسى سياقتى اۋقىمدى ءىس-شارالاردى وتكىزۋ تۋريزم سالاسىن عانا ەمەس، سونىمەن بىرگە، ەكونوميكانىڭ باسقا دا سالالارىن دامىتۋعا ىقپالىن تيگىزەدى. ستاتيستيكاعا سۇيەنسەك، 1 تۋريست ءوزى كەلگەن ەل اۋماعىندا 1،5 مىڭ دوللارعا جۋىق قارجىنى جۇمساپ، شامامەن 6-12 ادامدى جۇمىسپەن قامتاماسىز ەتەدى. وسىلايشا، كورمەنى وتكىزۋدەن الىناتىن ناتيجە وراسان زور، – دەدى جيىندى اشقان قازۇتزۋ-دىڭ ۋاكىلەتتى تۇلعاسى، اكادەميك ابدىكارىم زەينۋللين.
اكادەميكتىڭ ايتۋىنشا، جاس عالىمدار ايرىقشا جاڭالىقتار اشۋعا ۇمتىلىپ وتىر. ماسەلەن، ءقازىر وسى ۋنيۆەرسيتەتتە اككۋ­مۋلياتورلى باتارەيالاردى زاريادكالاۋ ستانساسى جاسالىپ، سىناقتان وتۋدە.
سونداي-اق، دوڭگەلەك ۇستەل­دە قازۇتزۋ-دىڭ جاستار ۇيىم­دارى كوميتەتىنىڭ ءتوراعاسى ءمادينا ەركىنوۆانىڭ «بولاشاق ەنەرگياسى قازۇتزۋ جاس عالىم­دا­­رى­نىڭ قولىندا»، «فيزيكا-تەحنيكالىق ينستيتۋتى» زەرت­­­حا­نا­سىنىڭ مەڭگەرۋشىسى نۇر­لان ءتوقمولديننىڭ «كۇن ەلەمەنتتەرى مەن مودۋلدەرىنىڭ تىك ينتەگراسيالانعان ءوندى­ءرىسى»، قولدانبالى ەكولوگيا كا­فەدراسىنىڭ وقىتۋشىسى اسەل وسەربايەۆانىڭ «بالامالى ەنەرگيا كوزدەرى»، ءبجمجموت كافەدراسىنىڭ دوكتورانتى دارحان ىبىرايىمقۇلدىڭ «پوليمەر جانە ورگانيكالىق زاتتاردىڭ نەگىزىندە يىلگىش كۇن باتارەيالارىنىڭ ۇلگىلەرى» اتتى باياندامالارى ۇسىنىلدى.
وعان قوسا «روبوتتى تەحنيكا جانە اۆتوماتيكانىڭ اقپاراتتى قۇ­رالدارى» كافەدراسىنىڭ اعا وقىتۋشىسى رۋسلان ۇتەبايەۆ «الماتى قالاسىنداعى ەلەكتروموبيلدەرگە ارنالعان زاريادتاۋ ستانسالارىن باسقارۋ جۇيەلەرىن وڭدەۋ جانە زەرتتەۋ» جوباسىن ۇسىندى. باياندامالار بارىسىندا باس­قا دا عىلىمي زەرتتەۋلەر تىڭ­دالدى.

دەرەككوز: ەگەمەن قازاقستان