ماڭعىستاۋ وبلىسىنىڭ اكىمى اليك ايداربايەۆ ماڭعىستاۋ اۋدانىنا جاساعان جۇمىس ساپارى بارىسىندا بىرنەشە الەۋمەتتىك نىساندار اشتى، سونىمەن قاتار، ۇستىرتتە ورنالاسقان ءىرى قارا فەرماسى مەن شارۋا قوجالىقتارىنىڭ قىسقا دايىندىعىمەن تانىستى.

شەتپە اۋىلىندا مەموريالدىق مۇراجاي اشىلدى. ەلدى مەكەن­ءنىڭ ورتالىعىنداعى جاڭا ءما­دەني نىساندى سالۋعا جەر­گىلىكتى بيۋدجەتتەن 120 ملن.تەڭگە ءبو­ءلىن­ءدى. جاڭا مۇراجايدا قازاق ميفولوگياسىن زەرتتەۋشى ەتنوگراف سەرىكبول قوندىبايدىڭ مۇرالارى ساقتالۋدا. ول ءومىرىنىڭ سوڭىنا دەيىن توسەككە تاڭىلعان بولسا دا، عىلىم ءۇشىن قىزمەت اتقارىپ، قاي­سار­لىعىمەن ۇلگى تۇتارلىق جان بولدى. عالىم توعىز جىل ىشىندە ميفولوگيا، لينگۆيستيكا، تاريح، ەجەلگى گەوگرافيا سالالارىندا نە­ءداۋىر جۇمىستار جاسادى. ول ءوزىنىڭ زەرتتەۋلەرىن تاريحقا، رۋحانياتقا، حالقىنا قىزمەت ەتۋ مۇمكىندىگى دەپ قاراستىردى. سەرىكبول قوندىباي ارتىنا 16 جۇمىس قالدىردى، ونىڭ بەسەۋى ومىردەن وتەر الدىندا ەكى جارىم جىل بۇرىن جازىلعان.

وبلىس اكىمى ماڭعىستاۋ اۋدا­نىنىڭ ىشكى ىستەر ءبولىمىنىڭ جاڭ­عىرتىلعان عيماراتىمەن دە تانىس­تى. نىساندى كۇردەلى جوندەۋدەن وتكىزۋگە وبلىستىق بيۋد­جەتتەن 53 ملن.تەڭگە ءبولىندى. پو­ليسەيلەر ءۇشىن جەرگىلىكتى بيۋدجەتتەن 4 ارنايى ماشينا ساتىلىپ الىندى. وسى كۇنى شەتپە اۋىلىندا 50 ورىندى اۆتوبەكەت جۇمىس ىستەي باستادى.

ماڭعىستاۋ وبلىسىنىڭ اۋما­عىن­دا مال شارۋاشىلىعىمەن 1128 سۋبەكت، ال ەگىن شارۋاشى­لىعى­مەن 116 شارۋا قوجالىعى اينالى­سۋدا. وبلىستا مالدى وتارلاپ ءوسىرۋ ءتاسىلى وتىز جىل بۇرىن قولدا­نىلعان، الايدا، نەلىكتەن ەكەنى بەلگىسىز، سوڭعى كەزدەرى بۇل ءادىس ۇمىت قالعان. وسى جىلى بۇل ءداس­ءتۇردى «كاسپيي» ج ش س اشك مال شارۋاشىلىعى كومپانياسى ارقىلى جانداندىرۋعا ۇيعارىم جاسالدى.

– اكىمشىلىكپەن كەلىسىمشارت بار، ولار بىزگە جالعا جەر بەرەدى. مامىردان باستاپ ۇستىرتكە 2 مىڭ باس قوي جىبەرەمىز دە، ولاردى باپتاپ كۇزدە جايلاۋعا جىبەرىپ كورەمىز. ەگەر بۇل باعدارلاما ءساتتى شىقسا، ءبىز ونى ودان ءارى كەڭەيتۋگە دايىنبىز. مەنىڭ ويىمشا، ماڭ­عىس­تاۋ وبلىسىندا جايلاۋعا جىبە­ءرىپ قانا مال شارۋاشى­لىعىن دا­مىتۋعا بولادى، ودان باسقا ءتيىمدى جول جوق. مال جايلاۋدا جۇرگەندە ولارعا قىستىق جاي مەن جەم دايىنداپ قويامىز، –دەپ وسى جىلدىڭ باسىندا، بري­فينگتەردىڭ بىرىندە مك «اشك كاسپيي» اق باسقارۋشى مۇشەسى يبراگيم تاگاشيەۆ ايتقان ەدى.

ءۇستىرت شوقىسىنداعى قۇدىق­تار مەن قۇنارلى جەرلەردى پايدالانۋ ەسەبىنەن، نەگىزگى جەردەگى مالداردىڭ قىسقى ءشوبىن ساقتاپ قالۋ باعدارلاماسى شىنىمەن دە ءساتتى بولدى. الەۋمەتتىك-كاسىپ­كەر­لىك كورپوراسيا ونى ىسكە اسىرۋعا 17 ميلليون تەڭگە ءبولدى. بۇل قارجىعا ءۇستىرت جايلاۋىندا ماتەريالدىق-تەحنيكالىق بازا جابدىقتالدى جانە كيىز ۇيلەر، اۆتوكولىكتەر، سۋسورعىلار مەن كۇن كوزى باتا­رەيلەرى ساتىپ الىندى.

ماڭعىستاۋ اۋدانىنىڭ اكىمدىگى اۋماعى 20 مىڭ گەكتارلىق جەر تە­ءلىمىن ءبولىپ بەردى.

ءۇستىرت شوقىسىنداعى شارۋا قوجالىعىندا ورنالاسقان مالشىلار جۇمىس جاساۋ جاعدايى جىل سايىن جاڭا دەڭگەيگە كوتەرىلىپ كەلەدى دەپ اتاپ ءوتتى. قىردا ارنايى مەديسينالىق توپ پەن تۇراقتى ۆەتەرينارلىق قىزمەت جۇمىس جاسايدى.

قازان ايىنىڭ سوڭىندا، سۋىق تۇسكەندە مال قىستاۋعا قاي­تا اكە­­ءلى­نەدى. كەلەسى جىلى «قا­را­عان­­ءتۇ­بەك» ج ش س قوسىمشا قار­جى­لان­دىرۋ ناتيجەسىندە «ءۇستىرت شو­قى­سىندا مالداردى وتارلاپ باعۋ» باعدارلاماسى بويىنشا 3 مىڭ قارا­كول جانە ەدىلباي تۇقىمدى قوي مەن 3 مىڭ اداي تۇقىمداس جىلقى الۋ جوس­پارلانۋدا. سونىمەن قاتار، ءشوپتى دايارلاۋ دا ۇستىرتتە جۇزەگە اسىرىلادى.

دەرەككوز: ەگەمەن قازاقستان