كەشە وبلىسقا «نۇر وتان» پارتياسى ءتوراعاسىنىڭ ءبىرىنشى ورىنباسارى اسقار مىرزاحمەتوۆ جۇمىس ساپارىمەن كەلدى. ول «نۇر وتان» پارتياسى وبلىستىق فيليالىنىڭ كەزەكتەن تىس XIX كونفەرەنسياسىنا قاتىستى.
وبلىستىق پارتيا فيليالى كونفەرەن­سياسىنىڭ شەشىمىمەن وبلىس اكىمى بەردىبەك ساپاربايەۆ وب­لىستىق فيليالدىڭ جاڭا ءتور­اعاسى بولىپ سايلاندى. اسقار مىر­زاحمەتوۆ فيليالدىڭ بۇرىن­عى ءتوراعاسى ارحيمەد مۇحام­بەت­وۆ­ءتىڭ پارتيانى نىعايتۋ جولىن­داعى جۇمىستارىنا العىس ايتىپ، مەم­لەكەتتىك قىزمەتتەگى ءتاجىري­بەسى مول بەر­دىبەك ساپاربايەۆقا پارتيانىڭ حا­لىق اراسىنداعى بەدەلىن نى­عاي­­تىپ، فيليال جۇمىسىن جوعارى دەڭ­گەيگە كوتەرەتىنىنە سەنىمىن جەت­كىزدى.
كونفەرەنسيادا «نۇر وتان» پارتياسى وبلىستىق فيليالى ءتور­اعاسىنىڭ ءبىرىنشى ورىنباسارى مىندەتىن اتقارۋشى نۇرحان اعنيازوۆ «فيليالدىڭ 2015 جىل­دىڭ 9 ايىنداعى جۇمىسى جانە الداعى مىندەتتەرى تۋرالى» دەگەن تاقىرىپتا بايانداما جاسادى. ول قازىرگى تاڭدا وبلىستىق پارتيا فيليالى جۇمىسىنىڭ باستى باعىتى قازاقستان پرەزيدەنتى نۇرسۇلتان نازاربايەۆ ايتقانداي: «نۇر وتان» ەل سەنىمىن اقتاۋمەن قاتار، كۇردەلى ەكونوميكالىق جاعدايدا ءوز ماڭىنا جۇرتشىلىقتى توپتاستىراتىن پارتيا بولۋى كەرەك»، دەگەن پىكىرىنەن تامىر تارتاتىنىن اتاپ ءوتتى.
– بۇگىندە رەسپۋبليكا دەڭگەيىندە پارتيالىق جۇمىس ءادىسىن جاڭعىرتۋ باعىتىندا شارالار قولعا الىندى. وبلىستىق جانە اۋماقتىق پارتيا فيليالدارىنا جاڭادان 15 شتات بىرلىگىنىڭ بەرىلۋى بىزگە جاڭا دەڭگەيدە جۇمىس جاساۋىمىزعا مۇمكىندىك تۋعىزدى. ىشكى ءتارتىپتى رەتتەۋشى قۇجاتتاردى قايتا رەگلامەنتتەۋ – ۋاقىت تالابى. فيليالداردىڭ جۇمىسىن باعالاۋدىڭ ناقتى ينديكاتورلارىنىڭ انىقتالۋى جۇمىسىمىزدى رەتتەۋگە كوپ كومەگىن بەرۋدە، – دەدى بايانداماشى. ونىڭ ايتۋىنشا، 2015 جىلى وبلىستىڭ 27 نىسان قۇرىلىسىنا ۇلتتىق قوردان بولىنگەن 9 ميلليارد 133 ميلليون تەڭگەنىڭ ءتيىمدى جۇمسالۋى پارتيانىڭ تۇراقتى نازارىندا، حالىق تۇتىناتىن الەۋ­مەتتىك ماڭىزى بار ازىق-تۇلىك ونىمدەرىنە حالىقتىق باقىلاۋ جۇ­مىسى جۇرگىزىلۋدە. سونىمەن قاتار، جولاۋشىلار تاسىمالدايتىن قوعامدىق كولىكتەردىڭ قوزعالىس كەس­تەسى مەن ءدارىحانالارداعى ءدارى-دار­مەكتەردىڭ باعالارىن باقىلاۋ باس­تالدى. كەلەسى كەزەكتە ول «نۇر وتان» پارتياسىنىڭ وبلىستىق جانە اۋ­داندىق، قالالىق فيليالدارىنىڭ 14 قوعامدىق قابىلداۋ بولمەسى تۇر­عىندارمەن تىعىز بايلانىستا جۇمىس ىستەپ كەلە جاتقانىن اتاپ ءوتتى.
كونفەرەنسيادا قالالىق ءماس­لي­حاتتىڭ دەپۋتاتى الماگۇل بەكەنوۆا ءسوز الىپ، قالاداعى ءىرى جوبالارعا ۇلتتىق قوردان بولىنگەن قارجىنىڭ ماقساتتى جۇمسالۋى باعىتىندا اتقارىلعان ىستەرگە توقتالدى. ويىل اۋداندىق جاستارعا پاتريوتتىق تاربيە بەرۋ ورتالىعىنىڭ ديرەكتورى ايسۇلۋ مامبەتوۆا پارتيالىق جۇمىستاعى جاڭاشىلدىقتىڭ باس­تاۋىش پارتيا ۇيىمدارىنا سەرپىن بەرەتىنىن اڭگىمە وزەگىنە اينالدىردى. بەيبىتشىلىك جانە كەلىسىم كەڭەسى وبلىستىق فيليالىنىڭ ءتوراعاسى كەلدىباي ەسپاعامبەتوۆ ءوز سوزىندە پارتيالىق جۇمىستىڭ جاڭاشا سيپات العانىنا، «نۇر وتان» پارتياسىنىڭ حالىقتىڭ مۇددەسى ءۇشىن قىزمەت ەتەتىندىگىنە توقتالدى.
كونفەرەنسيادا «نۇر وتان» پارتياسى ءتوراعاسىنىڭ ءبىرىنشى ورىنباسارى اسقار مىرزاحمەتوۆ ءسوز سويلەدى. ول پارتيالىق جۇمىستىڭ باستى ماقساتى ەلباسى، پارتيا ءتور­اعاسى نۇرسۇلتان نازاربايەۆ اتاپ وتكەندەي، «قاراپايىم حالىق­تى تولعاندىراتىن وزەكتى ماسە­لەلەردى ەسكەرۋسىز قالدىرماۋ ءۇشىن پارتيانىڭ وڭىرلەردەگى جۇمىسىن نىعايتۋ» كەرەك ەكەندىگىن جەتكىزدى. جەرگىلىكتى فيليالداردىڭ كادرلىق الەۋەتىنىڭ ارتقانى ولارعا جۇكتەلىپ وتىرعان ناقتى جۇمىستاردىڭ ساپاسىنىڭ ارتۋىنا العىشارت جاسايتىنىن اتاپ كورسەتتى. ورتالىقتا بۇل ماسەلەگە ايرىقشا كوڭىل ءبولىنىپ، فيليالدار قىزمەتىن باعالاۋعا ارنالعان نىسانالى ينديكاتورلار ازىرلەنگەنىن اتاپ ءوتتى. پارتيا فيليالدارى جۇمىسىنىڭ تيىمدىلىگىن ارتتىرۋ ماقساتىندا پارتيا ءتوراعاسىنىڭ ءبىرىنشى ورىنباسارى مەن فيليالدار ءتوراعالارى اراسىندا بىرلەكەن مەموراندۋمدارعا قول قويىلاتىنىن جەتكىزدى. بۇل قۇجات ناقتى كورسەتكىشتەر مەن ين­ديكاتورلار ارقىلى «نۇرلى جول» باعدارلاماسىن، سول سياقتى مەم­لە­كەتتىك جانە سالالىق باعدارلا­مالاردى جۇزەگە اسىرۋعا، بيۋدجەتتىڭ اتقارىلۋىنا پارتيالىق باقىلاۋدى جۇرگىزۋگە قىزمەت ەتەتىنىن مالىمدەدى.
– كۇندەلىكتى جۇمىستاردى وڭتاي­لاندىرۋ، جۇيەلەندىرۋ ماقسا­تىندا قازىرگى تاڭدا 30-دان استام قۇ­جاتتىڭ 20-سى قابىلدانىپ وتىر. اتاپ ايتقاندا، فيليالدار جۇمى­سىن باعالاۋ ينديكاتورلارىمەن قوسا، قوعامدىق-ساياسي احۋال­دىڭ مونيتورينگى، كادرلىق رەزەرۆ، فيليالدارداعى ساياسي كەڭەس بيۋروسىنىڭ جۇمىسىنىڭ تيپتىك رەگلامەنتى جانە قۇجات اينالىمىن قىسقارتۋ تۋرالى ىشكى نورماتيۆتىك ءىس قاعازدارى دايىندالۋدا. پارتيا جۇمىسىندا بەس ينستيتۋتتىق رەفورما مەن «100 ناقتى قادام» ۇلت جوسپارىن جۇزەگە اسىرۋعا حالىقتى جۇمىلدىرۋ، مەملەكەتتىك باعدارلامالاردىڭ ورىندالۋىن ءتيىمدى باقىلاۋدى قامتاماسىز ەتۋ، وسىعان بايلانىس­تى ەل اراسىندا تۇسىنىك جۇمىستارىن جۇرگىزۋ سىندى مىندەتتەرگە باسىمدىق بەرىلۋدە. «نۇرلى جول» باعدارلاماسىنىڭ جۇزەگە اسىرىلۋىنا باقىلاۋدى كۇشەيتۋ ماقساتىندا 2015-2016 جىلدارعا ارنالعان شارالار بەلگىلەنىپ، ولاردىڭ ورىندالۋى باقىلاۋعا الىندى. بيۋدجەتتىڭ جانە ۇلتتىق قوردان بولىنگەن قاراجاتتىڭ ءتيىمدى جۇمسالۋىن باقىلاۋ ءۇشىن ءماجىلىس پەن بارلىق دەڭگەيدەگى ءماسليحاتتارداعى فراكسيالار جانىنان ارنايى كوميسسيا­لار قۇرۋ جونىندە ەرەجە دايىندالدى. باقىلاۋ جۇرگىزۋدىڭ جاڭا كريتەرييلەرى جاسالىپ، وڭىرلەردەن الىناتىن مالىمەتتەردى بىرىزدەندىرۋ جۇمىستارى قولعا الىندى، – دەدى ا.مىرزاحمەتوۆ.
وبلىستىق فيليالدىڭ جاڭادان سايلانعان ءتوراعاسى، وبلىس اكىمى بەردىبەك ساپاربايەۆ پارتيالاستارىنا سەنىمدەرى ءۇشىن ريزاشىلىعىن ءبىلدىرىپ، وزىنە زور جاۋاپكەرشىلىك جۇكتەلىپ وتىرعانىن ايتتى. سونداي-اق، جاڭا ۇدەرىستەرگە بايلانىستى پارتيا جۇمىسىن جانداندىرۋدى جالعاستىراتىنىن جەتكىزدى.
سودان كەيىن «نۇر وتان» پارتياسى ءتوراعاسىنىڭ ءبىرىنشى ورىنباسارى ا.مىرزاحمەتوۆ «اقبۇلاق» اق نەگىزىندە قۇرىلعان باستاۋىش پارتيا ۇيىمىنىڭ مۇشەلەرىمەن كەزدەسىپ، ۇيىم جۇمىسىنا نازار اۋداردى. سونداي-اق، «نۇرلى جول» باعدارلاماسى نەگىزىندە «تۇرعىن ءۇي قۇرىلىس-جيناق» جۇيەسى بويىنشا سالىنىپ جاتقان تۇرعىن ءۇيدىڭ قۇرىلىسىمەن جانە «اقتوبە جىلىجاي» ج ش س جۇمىسىمەن تانىستى.

دەرەككوز: ەگەمەن قازاقستان