قازاقستان رەسپۋبليكاسىنىڭ ۇلتتىق بانكى ەۋرازيالىق ەكونوميكالىق وداق ەلدەرى ءۇشىن ورتاق ۆاليۋتا ەنگىزۋ ماسەلەسىنىڭ قاراستىرىلىپ جاتپاعاندىعىن مالىمدەدى. بۇل تۋرالى «قامشى» پورتالى «استانا» تەلەارناسىنا سىلتەمە جاساپ حابارلايدى.
«بۇگىندە ورتاق ۆاليۋتا ەنگىزۋ ءۇشىن ينتەگراسيالىق ۇردىسكە قاتىسۋشىلار كەزىندەگى ەۋرووداق ۇلگىسىمەن اقشا-نەسيەلىك ساياساتىن بىرىزدىلەندىرۋى كەرەك. ەۋرازيالىق ەكونوميكالىق وداققا مۇشە ەلدەردىڭ ەكونوميكالىق جۇيەلەرى ءالى بۇل تالاپقا ساي ەمەس»، - دەلىنگەن ۇلتتىق بانك تاراتقان مالىمدەمەدە.
