قازاقستان رەسپۋبليكاسىنىڭ ۇلتتىق بانكى 2015 جىلعى 13 قاراشادان باستاپ، «ەستە قالاتىن وقيعالار مەن ءبىرتۋار ادامدار» مونەتالار سەرياسىنان نومينالى 500 تەڭگەلىك، «رroوf» ساپالى كۇمىستەن جانە نومينالى 50 تەڭگەلىك نەيزيلبەر قوسپاسىنان «م. عابدۋللينگە 100 جىل» ەسكەرتكىش مونەتالارىن، سونداي-اق نومينالى 500 تەڭگەلىك، «رroوf» ساپالى كۇمىستەن ەۋرازيالىق ەكونوميكالىق وداقتىڭ جۇمىس ىستەۋىنە ءبىر جىل تولۋىنا ارنالعان «ەۋرازيالىق ەكونوميكالىق وداق» ەسكەرتكىش مونەتالارىن اينالىمعا شىعارادى. بۇل تۋرالى «قامشى» پورتالى ق ر ۇلتتىق بانكى باسپا ءسوز قىزمەتىنە سىلتەمە جاساپ حابارلايدى. 

«ەۋرازيالىق ەكونوميكالىق وداق» ەسكەرتكىش مونەتالارى ەۋرازيالىق ەكونوميكالىق كوميسسياسىنىڭ ەۋرازيالىق ەكونوميكالىق وداققا مۇشە مەملەكەتتەردە وداقتىڭ ءبىر جىلدىعىنا ەسكەرتكىش مونەتالاردى قاتار شىعارۋ جونىندەگى ۇسىنىسىنا سايكەس دايىندالدى. مونەتانىڭ سىرت جاعى تامپوباسۋدى قولدانا وتىرىپ ورىندالعان.

مونەتالاردىڭ بەت جاعىندا (اۆەرسىندە) ورتالىق بولىگىندە مەملەكەتتىك تىلدەگى «قازاقستان رەسپۋبليكاسى»، مونەتا دايىندالعان مەتالدى، ونىڭ سىنامىن جانە ماسساسىن بىلدىرەتىن «Ag 925 31،1 g»، ورىس تىلىندەگى «رەسپۋبليكا كازاحستان» دەگەن جازبالاردىڭ جانە ۇلتتىق ويۋ-ورنەك قورشاۋىندا قازاقستان رەسپۋبليكاسىنىڭ ەلتاڭباسى بەينەلەنگەن. تومەنگى بولىگىندە مونەتانىڭ نومينالىن   بىلدىرەتىن «500 تەڭگە» دەگەن جازبا، جوعارى بولىگىندە قازاقستان رەسپۋبليكاسى ۇلتتىق بانكىنىڭ لوگوتيپى ورنالاسقان.

مونەتالاردىڭ سىرت جاعىندا (ريەۆەرسىندە) ورتالىق بولىگىندە تامپوباسۋدى قولدانا وتىرىپ ورىندالعان مەملەكەتتىك تۋلاردىڭ جانە ەاەو-عا قاتىسۋشى ەلدەردىڭ ۇلتتىق ويۋ-ورنەكتەرىنىڭ قورشاۋىندا ەۋرازيالىق ەكونوميكالىق وداقتىڭ لوگوتيپى بەينەلەنگەن. اينالدىرا مەملەكەتتىك تىلدە «ەۋرازيالىق ەكونوميكالىق وداق»، ورىس تىلىندە «ەۆرازييسكيي ەكونوميچەسكيي سويۋز» دەگەن جازبا جانە سوعىلعان جىلىن بىلدىرەتىن «2015» دەگەن سان ورنالاسقان.

مونەتالاردىڭ بەت جانە سىرت جاعىنداعى بەينەلەر مەن جازبالار بەدەرلەنگەن، اينالدىرا شىعىڭقى جيەك.

قىرى (گۋرتى) بەدەرلى.

مونەتالار 925 سىنامدى كۇمىستەن جاسالعان، ماسساسى - 31،1 گر، ديامەترى - 38،61 مم، دايىنداۋ ساپاسى - «proof»، تارالىمى - 1 مىڭ دانا.

سونداي-اق، كەڭەس وداعىنىڭ باتىرى، اكادەميك، قوعام قايراتكەرى، جازۋشى مالىك ءعابدۋلليننىڭ تۋعانىنا 100 جىل تولۋىنا وراي، باس بانك «م. عابدۋللينگە 100 جىل» كۇمىستەن جانە نەيزيلبەر قوسپاسىنان جاسالعان مونەتالارن شىعارىپ وتىر. ولاردىڭ سىرت جاقتارىنداعى بەينەلەر بىردەي. «رroof» ساپالى كۇمىس مونەتالارداعى بەينە جىلتىر بەتكە سالىنعان. 

مونەتالاردىڭ سىرت جاعىندا (ريەۆەرسىندە) وڭ بولىگىندە مالىك ءعابدۋلليننىڭ بەينەسى ورنالاسقان. پورترەتتىڭ سول جاعىندا مەملەكەتتىك تىلدەگى «100 جىل» دەگەن جازبا بار. اينالدىرا مەملەكەتتىك تىلدە «مالىك عابدۋللين» دەگەن جازبا جانە سوعىلعان جىلىن بىلدىرەتىن «2015» دەگەن سان ورنالاسقان.

كۇمىس مونەتالاردىڭ بەت جاعىندا (اۆەرسىندە) جوعارى بولىگىندە بەس رەت بۇرالىپ ورنەكتەلگەن سەگىز بۇرىشتى روزەتكانىڭ جانە مەملەكەتتىك تىلدەگى «قازاقستان ۇلتتىق بانكى» جازبانىڭ قورشاۋىندا قازاقستان رەسپۋبليكاسىنىڭ ەلتاڭباسى بەينەلەنگەن. تومەنگى بولىگىندە مونەتانىڭ نومينالىن بىلدىرەتىن «500 تەڭگە» دەگەن جازبا ورنالاسقان. نومينالدان سولعا قاراي مونەتانىڭ ماسساسىن بىلدىرەتىن «24 g» دەگەن جازبا، وڭ جاعىندا مونەتا دايىندالعان مەتالدى جانە ونىڭ سىنامىن بىلدىرەتىن «Ag 925» دەگەن جازبا  بار. مونەتانى اينالدىرا مونشاق تارىزدەس تىزبەك جۇرگىزىلگەن.

نەيزيلبەر قوسپاسىنان جاسالعان مونەتالاردىڭ بەت جاعىندا (اۆەرسىندە) جوعارى بولىگىندە قازاقستان رەسپۋبليكاسىنىڭ ەلتاڭباسى بەينەلەنگەن. ەلتاڭبا بەينەسىنەن وڭعا قاراي «قۇب» اببريەۆياتۋراسى ورنالاسقان. تومەنگى بولىگىندە مونەتانىڭ نومينالىن بىلدىرەتىن «50 تەڭگە» دەگەن جازبا ورنالاسقان. نومينالدان سولعا جانە وڭعا قاراي ۇلتتىق ويۋ-ورنەكتىڭ ەلەمەنتى بەينەلەنگەن. اينالدىرا مەملەكەتتىك تىلدە «قازاقستان ۇلتتىق بانكى» دەگەن جازبا بار.

مونەتالاردىڭ بەت جاعىنداعى جانە سىرت جاعىنداعى بەينەلەر مەن جازۋلار بەدەرلەنگەن، اينالدىرا شىعىڭقى جيەك.

قىرى (گۋرتى) بەدەرلى.

مونەتالار:

- 925 سىنامدى كۇمىستەن، ماسساسى - 24 گر،  ديامەترى - 37 مم، دايىنداۋ ساپاسى «proof»، تارالىمى - 1 مىڭ دانا؛

- «نەيزيلبەر» قوسپاسىنان، ديامەترى - 31 مم، ماسساسى - 11،17 گر، تارالىمى - 100 مىڭ دانا.

نومينالدىق قۇنى 500 تەڭگەلىك جانە 50 تەڭگەلىك ەسكەرتكىش مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا، سونداي-اق بانك شوتتارىنا ەسەپتەۋ ءۇشىن جانە اۋدارۋ ءۇشىن قابىلدانۋعا مىندەتتى، قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.

ەسكەرتكىش مونەتالاردى «قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى دايىنداعان.

مونەتالاردىڭ ديزاينى قازاقستان رەسپۋبليكاسى پرەزيدەنتىنىڭ 2003 جىلعى  25 قىركۇيەكتەگى №1193 جارلىعىمەن بەكىتىلگەن قازاقستان تەڭگەسى - ۇلتتىق ۆاليۋتا بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ازىرلەنگەن.

«Proof» ساپاسىمەن جاسالعان مونەتالار كوللەكسيالىق قۇنى بويىنشا ساتۋعا ارنالعان. ولار كادەسىيلىق وراۋمەن شىعارىلادى جانە قازاقستان رەسپۋبليكاسى ۇلتتىق بانكىنىڭ مەملەكەتتىك، ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان.

نەيزيلبەر قوسپاسىنان جاسالعان مونەتالاردىڭ التى مىڭ داناسى جاقسارتىلعان ساپامەن دايىندالعان جانە ساتۋ ءۇشىن ارنايى پلاستيكالىق تەرموۆاكۋۋمدى وراۋعا سالىنعان.

مونەتالاردى قازاقستان رەسپۋبليكاسى ۇلتتىق بانكىنىڭ بارلىق فيليالدارىندا، سونداي-اق قرۇب-نىڭ www.nationalbank.kz  سايتىنىڭ «ۇلتتىق ۆاليۋتا» پاراقشاسىنداعى ينتەرنەت - دۇكەن ارقىلى ساتىپ الۋعا بولادى.