12 قاراشا كۇنى الماتىداعى كوللەدجدەردىڭ بىرىنەن كۇشپەن ۇرلانعان قىز وتباسىنا قايتارىلدى. بۇل تۋرالى «قامشى» پورتالى الماتى قالالىق ءىىد-ى باسپا ءسوز قىزمەتىنە سىلتەمە جاساپ حابارلايدى.
قىز ۇرلاۋ دەرەگى بويىنشا ق ر قك-ى 125-بابى بويىنشا ءىس قوزعالىپ، قالادا كۇدىكتىلەردى ۇستاۋ بويىنشا ىزدەۋ شارالارى باستالعان بولاتىن. سونداي-اق، كۇدىكتىنىڭ تۋىستارىنا دا قىزدى قايتارۋ تۋرالى ءتۇسىندىرۋ جۇمىستارى جۇرگىزىلگەن.
بۇگىن تاڭعا جۋىق ۇرلانعان ايسەل بايراموۆا تۋىستارىنا قايتارىلدى.
«پوليسياعا تۇسىنىك بەرۋ كەزىندە ۇرلانعان قىز كۇدىكتىگە قاتىستى قانداي دا ءبىر شاعىمى جوعىن ايتىپ، ارىز جازۋدان باس تارتتى. سوعان قاراماستان، قىلمىستىق ءىس بويىنشا پروسەسسۋالدىق شارالار جۇرگىزىلۋدە. ق ر قك-نىڭ 125-بابى قوسىمشاسىنا سايكەس ۇرلانعان ادامدى ءوز ەركىمەن بوساتقان كۇدىكتى ءوز ارەكەتتەرىندە باسقا قىلمىس قۇرامى بولماسا، قىلمىستىق جاۋاپكەرشىلىككە تارتىلمايدى» دەلىنگەن باسپا ءسوز قىزمەتى تاراتقان حابارلامادا.
