اقمولا وبلىسىنىڭ ەسىل قالاسىندا «بالاپان» باعدارلاماسى ارقىلى 200 ورىندىق بالاباقشا پايدالانۋعا بەرىلدى. بۇل تۋرالى «قامشى» پورتالى قازاقپاراتقا سىلتەمە جاساپ حابارلايدى.

«بالبوبەك» اتالاتىن بالاباقشانى اشۋ سالتاناتىنا اۋدان اكىمى امانبەك قالجانوۆ قاتىسىپ، تاربيەشىلەر مەن بۇلدىرشىندەردىڭ اتا-انالارىن قۇتتىقتادى. 

اتالعان بالاباقشا 200 بۇلدىرشىنگە ارنالعان. قۇرىلىس جۇمىستارى رەسپۋبليكالىق «بالاپان» باعدارلاماسى ارقىلى بولىنگەن 14 ميلليون تەڭگەدەن استام قارجىعا سالىنعان. نىساننىڭ پايدالانۋعا بەرىلۋى 48 ادامدى تۇراقتى جۇمىسپەن قامتىپ وتىر. 

ەسكە سالا كەتسەك، بۇگىنگى كۇنى ەسىل اۋدانىندا 29 مەكتەپكە دەيىنگى ۇيىم جۇمىس ىستەيدى. ونىڭ 6-ى بالاباقشا، 23ء-ى شاعىن ورتالىق. «بالبوبەك» بالاباقشاسىنىڭ پايدالانۋعا بەرىلۋى اۋداندا 3 جاستان 6 جاسقا دەيىنگى بالالاردى ءبىلىم بەرۋ مەكەمەلەرىمەن 100 پايىز قامتۋعا مۇمكىندىك بەرىپ وتىر.