فرانسيانىڭ جالاۋىن تاققانداردى كورىپ ءبىر كۇندە پاتريوت بولىپ شىققاندارعا تەك كۇلكىڭ كەلەدى. باسقا كەزدە قايدا قالدى ەكەن؟ فرانسيادا قايعىلى جاعداي بولماسا وزدەرىنىڭ قازاق ەكەنىن بىلمەي جۇرە بەرەرمەدى؟ بەيبىت ەلدە، بەيبىت تۇرعىنداردىڭ قازا بولعانىنا تاعزىم ەتىپ قۇرمەت ءبىلدىرۋ، بىردىرمەۋ اركىمنىڭ جەكە شارۋاسى. وزگەنى سيلاعان ادام ءوزىڭ ەلىن سۇيمەيدى دەپ كىم ايتتى؟ قۇربانداردى ازا تۇتىپ، كوڭىلىن بىلدىرگەندەرگە تارلىق ەتۋ ازاماتتىققا جاتپايدى.
قۇرمەتتى مۇسىلمان باۋىرلار! يسلام ءدىنى – الەمدەگى ەڭ تازا ءدىن. ەندەشە، بىزدە مۇسىلمان دەگەن اتىمىزعا ساي بولايىق. ءبىر ادامنىڭ قاتەلىگى ءۇشىن، بۇكىل قاۋىم جاۋاپ بەرمەيدى. ساناسىز ءبىر وسپادار جۋرناليستتىڭ قاتەلىگى ءۇشىن ءبىر ەمەس، ەكى مارتە تەراكت جاساۋ قاي مۇسىلماندىلىققا جاتادى. بىلە بىلسەڭىزدەر، ءبىزددىڭ اسىل دىنىمىزگە سەلكەۋ ءتۇسىرىپ جۇرگەندەر وسىنداي تەراكت ۇيىمداستىرۋشىلار. وسىنداي مۇسىلماندار اراسىنداعى مۇسىلمان دەگەن اتقا لايىق ەمەستەردىڭ كەسىرىنەن اسىل دىنىمىزگە، پايعابارىمىزعا ءتىل تيگىزەتىندەر كوبەيەدى. ال، ولاردىڭ بارىنەن كەك الا بەرسەك، اسىل ءدىنىمىزدى لايلاي بەرەمىز. مۇسىلماندار، مۇسىلمان دەگەن اتقا لايىق بولايىق. فرانسياداعى جاعداي مەن سيريا جاعدايى سالىستىرۋعا كەلمەيدى. تەك، ەكەۋىندەگى ءبىر ورتاقتىق لاڭكەستەردىڭ كەسىرىنەن بەيبىت حالىقتار بەيكۇنا كەتۋدە. سيريا ماسەلەسى شىنىندا وتە كۇردەلى. ول تۋرالى باق-تا ايتىلىپ، جازىلىپ ءجۇر. نەشە جىلدان بەرى باشار اسات پەن وپپوزيسيا جانە لاڭكەستىك ۇيىمدار اراسىنداعى قاقتىعىستاردىڭ كەسىرىنەن نەشە مىڭداعان مۇسىلمان باۋىرلارىمىزدىڭ قازا بولعانى راس. نەشە مىڭداعان ادام بوسقىن بولىپ كەتتى. ونىڭ بارىنە فرانسياداعى تەركات قۇرباندارىن ەسكە العاندار دا ازاماتتىق پىكىرلەرىن ءبىلدىرىپ كەلە جاتىر. سوندىقتان، فرانسياداعى ترەكاتكە قايعىرىپ، سيرياعا قارامادىڭدار دەۋ ارتىق ايتقاندىق بولادى. فرانسيا جالاۋىن كوتەرگەندەر - ادامزاتتىڭ ءبارىن باۋىرىم دەپ سۇيگەندەر.
تۇردىبەك قۇرمەتحاننىڭ فەيسبۋك پاراقشاسىنان
