پرەزيدەنت نۇرسۇلتان نازاربايەۆ بيىل جىل سوڭىنا دەيىن حالىققا كەزەكتى جولداۋىن جاسايتىنىن مالىمدەدى. بۇل تۋرالى «قامشى» پورتالى حابارلايدى.
ەلباسى نۇرسۇلتان نازاربايەۆ ۇكىمەتتىڭ كەڭەيتىلگەن وتىرىسىندا اۋىر كەزەڭدە قانداي شارالاردى قابىلداۋ كەرەكتىگى تۋرالى جولداۋىندا ايتاتىنىن، ونى وسى جىلى جاريالاۋدى جوسپارلاپ وتىرعانىن مالىمدەدى.
"بۇگىن نەگىزگى ماسەلەلەرگە عانا توقتالدىم. كۇردەلى كەزەڭدە قانداي شارالار قولداناتىنىمىز تۋرالى كەزەكتى جولداۋدا ايتاتىن بولامىن، ونى وسى جىلى جاريالاۋ جوسپارى بار"، - دەدى نۇرسۇلتان نازاربايەۆ.
ونىڭ ايتۋىنشا، "وسىناۋ كۇردەلى كەزەڭدە ۇكىمەت پەن اۋدان اكىمدەرى ەكونوميكالىق ءوسىمدى ىنتالاندىراتىن بارلىق قوردى قاراۋى كەرەك".
"ۇكىمەتتە شاعىندالعان شارالار بار، داعدارىس كەزىندە قانداي شارالار قولدانۋ كەرەكتىگى يگەرىلگەن. مەن ۇكىمەتتىڭ كەلەسى جىلدىڭ بيۋدجەتىن قايتا قاراۋ ۇسنىىسىن قولدادىم"، - دەدى ەلباسى.
