بايقوڭىر قالاسىنداعى التى قازاق مەكتەبى قازاقستان ءبىلىم ستاندارتىنا تولىق كوشتى. وسىعان دەيىن رەسەي باعدارلاماسى بويىنشا ءبىلىم العان قازاق مەكتەپتەرى وزگەرىستەردى باسىنان كەشىرۋدە.
سوعان وراي مەكتەپتەردە «كەڭەس بەرۋ» ورتالىعى، «وزات» شىعارماشىلىق بىرلەستىگى مەن «وزات» تاجىريبە بىرلەستىكتەرى ءوز جۇمىسىن باستاپ كەتتى. كاسىبي «كەڭەس بەرۋ» ورتالىعى ءبىزدىڭ مەكتەپتە بيىلعى وقۋ جىلىنان باستاپ قۇرىلدى. بۇل ورتالىقتىڭ نەگىزگى ماقساتى – وقۋشىلارعا ماماندىق تاڭداۋ، ولاردىڭ ادىستەرى تۋرالى بىلىمدەرىن، تۇسىنىكتەرىن كەڭەيتە وتىرىپ، ماماندىقتارعا دەگەن ىنتا-ىقىلاسىن، قىزىعۋشىلىقتارىن ارتتىرۋ. ءوز ەلىنە ادال، حالقىن قاستەرلەيتىن، ءبىلىمدى، سانالى، رۋحاني قۇندىلىقتاردى بويىنا تولىق قالىپتاستىرعان قوعامدا ءوز ورنىن تابا بىلەتىندەي كاسىبي باعىت-باعدار بەرۋ.
وسى ماقساتتى جۇزەگە اسىرۋ ءۇشىن «كەڭەس بەرۋ» ورتالىعىنىڭ ارنايى جوسپارى دا بار. بەلگىلى ءبىر تاقى­رىپتاردا باياندامالار وقىلادى، تالقىلاندى، اڭگىمە-سۇحباتتار ءوت­كىزى­لەدى. وقۋشىلاردى ويلاندى­رىپ جۇرگەن ماسەلە بولسا، ءويلاسىپ-پى­كىر­لەسۋگە ورتالىق مۇشەلەرى ءارقا­شان دايىن. ءار وقۋشى ءوز ويىن اشىق ايتا الادى. 
قىركۇيەك ايىندا ورتالىق ءمۇ­شە­لەرى اراسىندا ۇيىمداستىرۋ كە­زەڭدەرىندە جوسپار قۇرۋ، ونى تالقى­لاۋ، بەكىتۋ، پىكىرلەسۋ جۇمىستارى ءوتتى. ال جاقىندا مەكتەپتە «بۇگىنگى شاكىرت – ەرتەڭگى وتان قورعاۋشى» تا­قىرىبىندا بەيىندى وقىتۋ ءجونىن­دەگى ورىنباسارى، «كەڭەس بەرۋ» ور­تالىعى ءتورايىمىنىڭ ورىنباسارى گۇلنار قوجاعۇلوۆانىڭ ۇيىم­داستى­رۋىمەن 9-10-11-سىنىپتارمەن ءبىرىن­ءشى وتىرىسىن وتكىزدى. 
«كۇشتى ۇلت بولۋ ءۇشىن الدىمەن ءىش­كى بىرلىك، ۇيىمشىلدىق پەن تاتۋ­لىق قاجەت» دەپ ەلباسىمىز ن.نا­زار­­بايەۆ ايتقانداي، ءاربىر ازامات ۇلت­تى العا جەتەلەيتىن ءبىلىمدى، پات­ريوت، ەڭبەكشىل، ءوز ءسالت-داستۇرىن، ءما­­دەنيەتىن، ءتىلىن، ءدىنىن، قۇرمەتتەي­ءتىن ناعىز تۇلعا بولۋ كەرەك. اسكەري قىزمەت قىزىعى مەن قيىندىعى قا­تار جۇرەتىن ماماندىق دەۋگە تولىق بولادى.وتان قورعاۋشى قاي زاماندا بولماسىن مارتەبەلى ماماندىق سانالعان. وسىنداي اسكەري مامان­دىقتى تۋ ەتكەن مەكتەبىمىزدىڭ العاش­قى اسكەري دايىندىق ءپانىنىڭ ءمۇعالىمى، قازاقستان رەسپۋبليكا­سىنىڭ قۇرلىقتاعى تانك اسكەرىنىڭ ۆزۆود كومانديرى، زاپاستاعى وفيسەر جايىق قۇپيايەۆ «اسكەري قىزمەت – قاستەرلى مىندەت، ءقادىرلى ماماندىق» دەگەن تاقىرىپتا بايانداماسىن وقىپ، اسكەري قىزمەتتە جۇرگەن ءوز شاكىرتتەرىن ماقتانىشپەن ۇلگى ەتىپ، وقۋشىلار مەن كورەرمەندەرگە بەينە سۋرەتتەرىن كورسەتتى.
شەكارا قىزمەتكەرى رۇستەم قۇتتىبايەۆقا بالالار سۇراقتارىن قويىپ، كوكەيىندە جۇرگەن ساۋال­دارىمەن ءبولىستى.سونداي-اق باقىت­كۇل قونىسوۆا ءوز ءومىرى جانە توتەنشە جاعدايلاردان قورعانۋ قىزمەتىنىڭ بارىسى جونىندە وقۋشىلارمەن سىر ءبولىستى. وسى ماماندىقتى تاڭداپ جۇرگەن 11 «ا» سىنىپ وقۋشىلارى مەرۋەرت سارسەنبايەۆا مەن اقبوتا قيمالوۆا ءوز ويلارىندا جۇرگەن پىكىرلەرىن ايتتى. 
«كەڭەس بەرۋ» ورتالىعى ءتورايى­مىنىڭ ورىنباسارى گۇلنار قو­جا­عۇلو­ۆانىڭ ۇيىمداستىرۋىمەن وتكەن ۇلكەن ءىس-شارالاردان ناتيجە شى­عا­تىنىنا، ءارى قاراي جۇمىستىڭ جان­دانا بەرەتىنىنە سەنىمىمىز مول. 

دەرەككوز: ايقىن-اقپارات