رەسەيلىك «بازالىق ەلەمەنت» كومپانياسىنىڭ باسشىسى، الماتى قالاسىنىڭ تۋماسى گۇلجان مولداجانوۆانىڭ ەسىمى Forbes جۋرنالىنىڭ جىل سايىنعى رەيتينگىندە رەسەيدەگى ەڭ قىمبات 25 كومپانيانىڭ قاتارىنا كىردى. بۇل تۋرالى «قامشى» پورتالى قازاقپاراتقا سىلتەمە جاساپ حابارلايدى.

6 ملن. دوللار تابىس جيناعان گۇلجان مولداجانوۆا 17ء-شى ورىن الدى. «بازالىق ەلەمەنت» كومپانياسى باسشىسىنىڭ ۇزدىك 25 باسشىنىڭ رەيتينگىندە جالعىز ايەل ەكەنىن اتاپ ءوتۋ كەرەك.

گۇلجان مولداجانوۆا 1966 جىلدىڭ 11 ماۋسىمىندا الماتىدا دۇنيەگە كەلدى. ءبىلىمى بويىنشا فيزيك. 1989 جىلى قازاق مەملەكەتتىك ۋنيۆەرسيتەتىن ۇزدىك ءتامامداعان. ودان كەيىن ماسكەۋدەگى اسپيرانتۋرادا ءبىلىم الۋ ءۇشىن قازاقستاننان كەتكەن. 27 جاسىندا عىلىم كانديداتى اتاندى، ال 1994-1995 جىلدارى ممۋ-دە عىلىمي جۇمىسپەن اينالىستى.

ءبىلىمى: قازاق مەملەكەتتىك ۋنيۆەرسيتەتى، رف ۇكىمەتى جانىنداعى قارجى اكادەمياسى.

ەڭبەك جولى:

1995 - «اليۋمينپرودۋكت»، حاتشى؛

1995-1999 - «ءسىبىر ءاليۋمينييدىڭ» ەسەپشىسى، قارجىلىق مەنەدجەر، كوممەرسيالىق ديرەكتور؛

2000-2004 - «رۋسال» كومپانياسىنىڭ ساتۋ جانە ماركەتينگ بويىنشا ديرەكتورى، ستراتەگيا جانە بىرلەسكەن دامۋ بويىنشا ديرەكتور؛

2004-2005 - اليۋمينيي بيزنەسى بويىنشا باسقارۋشى ديرەكتور، «بازالىق ەلەمەنت» كومپانياسى باس ديرەكتورىنىڭ ءبىرىنشى ورىنباسارى؛

2005-2009 - «بازالىق ەلەمەنت» كومپانياسىنىڭ  باس ديرەكتورى؛

2009-2011 - «ەسن» توبىنىڭ باس ديرەكتورى؛ 

2012 جىلدان باستاپ - «بازالىق ەلەمەنت» كومپانياسىنىڭ  باس ديرەكتورى.