ۋنيۆەرسيادانىڭ 17 ميللياردتىق وپەراسيالىق بيۋدجەتىنىڭ 50 پايىزىن وتاندىق ءونىم وندىرۋشىلەردىڭ تاۋارلارى، جۇمىسى مەن قىزمەتى قۇرايدى.  بۇل تۋرالى الماتىدا ۋنيۆەرسياداعا دايىندىق اياسىندا وتكىزىلگەن وتاندىق تاۋار وندىرۋشىلەرمەن ىنتىماقتاستىق فورۋمىندا الماتى قالاسىنىڭ حالىقارالىق سپورتتىق جوبالار ديرەكسياسىنىڭ ديرەكتورى اسەت ابدۋالييەۆ مالىمدەدى. بۇل تۋرالى «قامشى» پورتالى حابارلايدى.

«جۋىردا ۇكىمەتتىڭ كەڭەيتىلگەن وتىرىسىندا مەملەكەت باسشىسى ن.ءا. نازاربايەۆ بارلىق قازاقستاندىقتاردى «قازاقستاندا جاسالعان» اتتى اكسيانى جۇزەگە اسىرۋدا وتاندىق ونىمدەرگە قولداۋ بىلدىرۋگە شاقىرعان بولاتىن.تۇسىندىرە كەتكىم كەلەدى، ۋنيۆەرسيادا بيۋدجەتىنىڭ ماڭىزدى ءبىر بولىگىIT-قامتۋ مەن حالىقارالىق ترانسلياسيالارعا جۇمسالادى. بۇل قىزمەت تۇرلەرىن ءىرى شەتەلدىك كومپانيالار ۇسىنادى-دەدى، اسەت ابدۋالييەۆ.

ايتا كەتۋ كەرەك، قازاقستاندىق قاتىسۋدىڭ ۇلەسى ۋنيۆەرسيادادا 53 پايىزدى قۇرايدى. ال شەتەلدىك كومپانيالاردىكى- 47 پايىز. بۇدان بۇرىنىراق، ۋنيۆەرسيادا-2017 بيۋدجەتى 32 ملرد تەڭگەدەن 17 ملرد تەڭگەگە قىسقارعانى حابارلانعان.

ەستەرىڭىزگە سالا كەتەيىك، جۋىردا الماتىدا قىسقى ۋنيۆەرسياداعا دايىندىق اياسىندا وتاندىق ءونىم شىعارۋشىلارمەن ىنتىماقتاستىق فورۋمى وتكەن بولاتىن. قورىتىندىسىندا قازاقستاندىق ءونىم شىعارۋشىلارمەن 20 ملرد تەڭگەگە مەموراندۋم بەكتىلىگەن بولاتىن.