جاپون ەلى ءۇشىن قازا تاپقان اسكەرلەرگە ارنالعان ياسۋكۋني شىركەۋىندە جارىلىس بولدى. بۇل تۋرالى «قامشى» پورتالى Keyodo اگەنتتىگىنە سىلتەمە جاساپ حابارلايدى.
كەلۋشىلەردىڭ ەشقايسىسى زارداپ شەككەن جوق.
پوليسيا دەرەكتەرىنە سۇيەنسەك، جارىلعىش زات ەرلەر دارەتحاناسىنا قويىلعان. جارىلىس سالدارىنان عيماراتتىڭ توبەسى مەن قابىرعاسى زاقىمداندى. ءقازىر وقيعا ورنىندا 100-گە تارتا پوليسيا قىزمەتكەرى مەن ءورت سوندىرۋشىلەر جۇمىس ىستەپ جاتىر.
ماماندار شىركەۋ كەشەنىنىڭ اۋماعىن تەكسەرۋدە. جاقىن ماڭدا تاعى دا جارىلعىش زات بولۋى مۇمكىن دەگەن كۇدىك بار، پوليسەيلەردىڭ ايتۋىنشا، جارىلىس جوسپارلانعان شابۋىل بولۋى ىقتيمال.
