الماتىلىق فەرمەر ايتجان  تىڭالييەۆ ەكى جىل بۇرىن ەتتى باعىتتاعى قارا مالدى وسىرۋمەن اينالىساتىن شارۋا قوجالىعىن قۇردى. قاراتال اۋدانىنداعى «التىنباي» شارۋا قوجالىعىندا 90-نان استام باس ءىرى قارا بار، - دەپ حابارلايدى «قامشى» پورتالى قازاقپاراتقا سىلتەمە جاساپ.

فەرمەر ءىسىن 20 باس ءىرى قارا وسىرۋدەن باستادى. وبلىستاعى جاعدايدى زەرتتەپ، وسى باعىتتى دامىتۋعا بەل بايلادى. وتكەن جىلى شارۋا قوجالىعى 40 باس قازاقتىڭ اقباس سيىرىن، بيىل تاعى 21ء-ىن ساتىپ الدى.

«بيزنەستىڭ جول كارتاسى-2020» باعدارلاماسى بويىنشا «التىنباي» شارۋا قوجالىعى مەملەكەتتىك قولداۋعا قاتىسۋدىڭ ارقاسىندا مال اسىرايتىن قورالارى مەن عيماراتتارىن قالىپقا كەلتىردى.  

«اسىل تۇقىمدى مالدى ءوسىرۋ ءۇشىن ۆەتەرينارلىق جانە سانيتارلىق تالاپتارعا سايكەس ورىن قاجەت.  «دامۋ» قورىنىڭ كومەگىنە جۇگىنىپ، بانكتەن نەسيە الدىق. عيماراتتى قالپىنا كەلتىرۋ ءۇشىن 5 ملن تەڭگە نەسيە راسىمدەدىك. نەسيەنىڭ پايىزدىق مولشەرلەمەسىنىڭ 7 پايىزىن مەملەكەت وتەيدى، بۇل ءتيىمدى» - دەدى ايتجان تىڭالييەۆ.

فەرمەر ءوز قاراجاتىنا 50 باس ءىرى قاراعا ارنالعان مال جەمدەيتىن ورىن سالدى. قىسقا ءشوپ ازىرلەدى. ا. تىڭالييەۆتىڭ مال باسىن 290-عا جەتكىزۋ جوسپارى بار.